Tá Gardaí ag fiosrú sraith robálacha inar díríodh ar chineálacha áirithe gluaisteáin le haghaidh a ndioscaí cánach agus árachais.
Fuair úinéirí gluaisteán i dtuaisceart Bhaile Átha Cliath amach faoi seo nuair a aimsíodh fuinneoga paisinéirí a gcuid carranna briste agus níor tógadh aon rud ach na dioscaí.
Dúirt cónaitheoir ó Fhionnradharc (Fairview) – a ndearnadh damáiste dó a charr go luath maidin Dé hAoine – leis an Irish Mail on Sunday: ‘Níor thuig mé fiú go raibh na dioscaí imithe go dtí gur cuireadh in iúl dom é.
‘Fuair mé amach ón ngrúpa comharsanachta (neighbourhood) WhatsApp gur tharla an rud céanna do dhaoine eile. Is cúis imní é go raibh sé ar scála chomh mór agus nach bhfaca aon duine iad.’
Dúirt cónaitheoir eile sa cheantar gur inis a gharáiste áitiúil dóibh go bhfaca siad borradh ar charranna a raibh fuinneoga paisinéirí briste orthu le seachtainí beaga anuas.
Dúirt siad leis: ‘Is cosúil gur mionrud é ach cuireann sé isteach go mór ar dhaoine agus bheadh imní ort má tá do dhiosca á úsáid acu ar charr eile go bhféadfá a bheith faoi dhliteanas (liable).’
Dúirt foinse go gcreidtear go bhfuil na gadaithe ag fáil plátaí clárúcháin (registration plates) bréige a rinneadh chun na clárúcháin ar na dioscaí a mheaitseáil.
Aistríonn siad na dioscaí ansin chuig feithiclí den chineál céanna. Liostaíonn dioscaí árachais dath agus déanamh an ghluaisteáin.
Dúirt an fhoinse: ‘Is é an rud dúr ná nach n-oibríonn an cineál seo rudaí. An chuid is mó den am, glacfaidh na gardaí iad.’
Dúirt cónaitheoir eile: ‘Dúirt na gardaí liom gur féidir leo dioscaí a ghoid ó ghluaisteáin den chineál céanna agus den dath céanna le cur ar ghluaisteáin chomhchosúla. Is cosúil go ndéantar an-iarracht féachaint an bhfuil siad in ann dioscaí bréige a dhéanamh.’
Cé go bhfuil deireadh curtha le taispeáint dioscaí cánach i bhfuinneog thosaigh cairr i roinnt tíortha Eorpacha agus sa RA, tá sé de dhualgas ar thiománaithe in Éirinn fós an diosca a thaispeáint chomh maith le ceann eile dá n-árachas agus ceann eile don Tástáil Náisiúnta Gluaisteán (NCT).
D’iarr Cumann na nGluaisteán (AA) go gcuirfí deireadh leo roimhe seo.
Dúirt urlabhraí: ‘Sna blianta atá thart, b’fhéidir gur bealach réasúnta a bhí iontu a chruthú go raibh do charr comhlíontach ach ó shin i leith tá printéirí datha againn.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
