Tá botúin déanta faoi dhó ag Joe Biden an tseachtain seo inar inis sé scéalta faoi bheirt cheannairí Eorpacha éagsúla a labhair sé leo – ach amháin go bhfuil an bheirt acu marbh.
Tá botúin uachtarán Mheiriceá ag cur níos mó brú air mar go bhfuil imní ar vótóirí a deir nach bhfuil sé in ann a bheith ina uachtarán arís.
Ainmnigh Biden, atá 81 bliain d’aois anois agus a bheidh 85 má mhaireann sé a théarma iomlán má thoghtar é, na daoine míchearta agus é ag caint faoin ionsaí ar an Capitol an 6 Eanáir 2021.
Ar an gCéadaoin, agus é ag bailiú airgid i Nua-Eabhrac, labhair Biden faoi bheith ag caint le hiar-sheansailéir na Gearmáine Helmut Kohl faoin iarracht é a stopadh ó bheith ina uachtarán. Ach fuair Kohl bás i 2017.
Is cosúil go raibh Angela Merkel i gceist ag Biden.
Roimhe seo, Dé Domhnaigh, bhí Biden i Nevada nuair a chuir sé mearbhall ar daoine agus é ag caint faoi chomhrá le iar-uachtarán na Fraince, François Mitterrand, a fuair bás i 1996. Is cosúil gurb é uachtarán reatha na Fraince, Emmanuel Macron, a bhí I gceist aige.
Bhí sé ag caint freisin ar imeachtaí an 6 Eanáir an t-am sin.
Is é Biden, 81, an t-uachtarán is sine atá ag iarraidh atoghadh i stair Mheiriceá. Tá imní sláinte ina saincheist leanúnach do go leor vótálaithe, lena n-áirítear Daonlathaithe.
Léirigh pobalbhreith NBC News le déanaí go bhfuil imní ar thrí cheathrú de na vótálaithe, lena n-áirítear leath na nDaonlathaithe, faoi shláinte mheabhrach agus fhisiciúil Biden.
Tá Biden taobh thiar de Trump freisin sna pobalbhreitheanna agus beidh sé mar aidhm aige dul i bhfeidhm ar na vótálaithe sa tseachtain amach romhainn le himeachtaí atá ceaptha mar shiombail don chath ar son an daonlathais agus an cheartais chinithigh (racial justice) i gcoinne Donald Trump.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
