Tá Boyzone ag teacht le chéile arís do bhabhta nua ceolchoirmeacha agus iad ag tabhairt faoi fhiontar gnó (business venture) nua.
Tá sé tugtha le fios ag tuairiscí nua go bhfuil conradh gnó brabúsach (lucrative business deal) sínithe ag Ronan Keating, Shane Lynch, Mikey Graham agus Keith Duffy tar éis dóibh geallta (stakes) a cheannach i gclub peile.
Ba é Louis Walsh a bhunaigh Boyzone ar dtús i 1993 agus bhí go leor ráflaí ann go dtiocfadh na leaids le chéile arís le haghaidh a chomóradh 30 bliain anuraidh.
Anois, tá tuairiscithe ag The Mirror go bhfuil Boyzone tagtha le chéile arís chun scaireanna (shares) a cheannach i Chorley FC, club sacair atá lonnaithe i Lancashire i Sasana.
Táthar ag súil go bhfreastalóidh baill Boyzone ar chluiche baile na foirne in aghaidh Solihull i gCorn an FA chun an margadh a shocrú go hoifigiúil an deireadh seachtaine seo.
Agus tá siad ag tabhairt an cheoil ar ais freisin. Táthar ag súil go dtabharfaidh Boyzone ceolchoirmeacha ar ais ar thailte Chorley FC mar chuid dá margadh nua.
‘Is beart an-spreagúil é do Chorley FC,’ a dúirt foinse leis The Mirror.
‘Is rud é a bhfuil an cumas aige an baile a thabhairt chun solais ar bhealach nach raibh ann riamh cheana, ag cruthú buzz agus poiblíochta a thaispeánfaidh solas geal ar Chorley agus ar Boyzone.’
‘Tá Ronan, Shane agus Keith faoi lánseol. Gan dabht, cruthóidh láithreacht Boyzone ag cluiche an tSathairn seo atmaisféar leictreach, lán le ceol, áthas, agus grá comhroinnte don pheil agus don phobal,’ a dúirt an fhoinse.
‘Is club 140 bliain d’aois é Chorley FC agus is baile mór é Chorley i suíomh iontach, foirfe do Boyzone.’
Dúirt urlabhraí don chlub: ‘Tá muid sáite le sceitimíní agus buíochas as an deis iontach seo a thug Boyzone dúinn.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
