Laochra na hÉireann réidh le Corn Caraboa a bhuachan do Liverpool

26/01/2024

Tá Klopp ag súil le cluiche crua idir Liverpool agus Chelsea sa chluiche ceannais, le cúl báire ó Chorcaigh Caoimhin Kelleher agus iar-imreoir CLG ó Thír Eoghain Conor Bradley réidh le dul isteach sa bhearna bhaoil

Beifear ag súil go mbeidh laochra óga na hÉireann réidh don chluiche mór nuair a imreoidh Liverpool in aghaidh Chelsea i gcluiche ceannais Chorn Caraboa an mhí seo chugainn.

Caoimhin Kelleher
Caoimhin Kelleher

Tá an cosantóir Conor Bradley as Tír Eoghain á mholadh go hard as a luas agus a neart ag Jurgen Klopp.

Sa chluiche sa Phríomh-Shraith (Premier League) in aghaidh Bournmouth Dé Domhnaigh mhol Klopp Bradley as a dhearcadh ‘den scoth’ ag imirt peile.

Dúirt sé leis an BBC: ‘Ar fheabhas. Ionsaí maith i ndáiríre sa chluiche. Is peileadóir an-mhaith é, níor léirigh sé é an t-am ar fad inniu ach is peileadóir chomh maith é agus tá a dhearcadh thar barr.

‘Tá luas aige, tá gach rud a theastaíonn uait sa phost sin aige.’

Thairis sin, chabhraigh cúl báire Chorcaí, Caoimhin Kelleher, go mór le Liverpool an bua a fháil in aghaidh Chelsea nuair a d’imir an dá fhoireann ar a chéile i gcluiche ceannais Chorn Caraboa dhá bhliain ó shin, i 2022.

Nuair a chuaigh an cluiche sin go dtí ciceanna éirice (penalties) choinnigh scileanna cúl báire Chaoimhín Liverpool sa chluiche.

Conor Bradley
Conor Bradley

Ansin nuair a bhí imreoir ag teastáil chun dul sa bhearna bhalil agus cic éirice a ghlacadh, rinne Kelleher é. Thóg sé an cic éirice agus scóráil sé.

Anois creideann bainisteoir Liverpool Jurgen Klopp go mbeidh Chelsea ag iarraidh ‘an stair a chur ina gceart i gcluiche ceannais na míosa seo chugainn’.

Is é sin toisc go raibh Liverpool ag imirt in aghaidh Chelsea i gcluiche ceannais Chorn an FA dhá bhliain ó shin agus bhuaigh siad an cluiche sin freisin.

Creideann Klopp go mbeidh bainisteoir Chelsea, Mauricio Pochettino, faoi bhrú ollmhór an cluiche sin a bhuachan.

Dúirt bainisteoir Liverpool: ‘Cluiche mór a bheidh sé ach tá a fhios againn go léir go bhfuil sé in aghaidh Chelsea.

‘Beidh siad ag iarraidh an stair a chur ina gceart tar éis dúinn imirt faoi dhó dhá bhliain ó shin.’

Tá Liverpool isteach sa chluiche ceannais tar éis dóibh an bua a fháil 1-1 in aghaidh Fulham oíche Chéadaoin.

Bainisteoir Liverpool Jurgen Klopp agus an bainisteoir cúnta Pepijn Lijnders
Bainisteoir Liverpool Jurgen Klopp agus an bainisteoir cúnta Pepijn Lijnders

Bhí siad ag imirt as baile sa chluiche sin, ach ina gcéad chluiche i gcoinne Fulham, ag Anfield níos luaithe an mhí seo, bhí an bua ag Liverpool 2.1.

Agus díreach mar a léiríonn iar-imreoir CLG Conor Bradley cé chomh maith agus atá sé in áit an phríomhchosantóra Trent Alexander-Arnold, tá an t-iar-imreoir Luis Diaz ag cruthú cé chomh tábhachtach agus atá sé nuair atá Mo Salah as baile mar gheall ar dhualgais idirnáisiúnta na hÉigipte.

  Scóráil Diaz an t-aon chúl a bhí ag Learpholl oíche Dé Céadaoin agus ina dhiaidh sin dúirt Klopp: Is imreoir iontach é agus níl aon cháineadh agam dó – ach ba mhaith liom dá mbeadh sé in ann an dara ceann a shocrú agus an tríú ceann a scóráil.

‘Tá an luas agus an chumhacht is féidir leis a ghiniúint, an teicníocht agus an meascán de sin thar barr agus mar sin táim thar a bheith sásta,’ a dúirt Klopp.


Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie


Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil

RFailtelogo 1
rnaglogo2 1
TG4logo 2
RnaLlogo 4

Comhroinn Anois

You might also like ...

Lean ExtraG.ie

Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.

LÉIGH NÍOS MÓ: SACAR

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram