Tá léirmheastóirí (reviewers, critics) Meiriceánacha 100% sásta le Kneecap, an chéad scannán Gaeilge a seoladh ag féile scannán iomráiteach (prestigious) Sundance.
Déanann an suíomh gréasáin (website) le haghaidh léirmheasanna scannáin, Rotten Tomatoes, staidéar ar na léirmheasanna go léir ar scannáin nuair a sheoltar iad agus fuarthas amach gur thaitin Kneecap le gach duine díobh go dtí seo.
Agus tá an scannán ceannaithe anois ag an gcomhlacht idirnáisiúnta scannán Sony Pictures Classics le taispeáint ar fud an domhain.
Insíonn an scannán scéal an banna rapcheoil Kneecap ó Bhéal Feirste, a thosaigh ag deireadh na 2010í ag déanamh ceoil as Gaeilge, ag cur na Gaeilge chun cinn – agus ag canadh faoi chultúr na hóige a ndearna daoine eile iarracht neamhaird a dhéanamh air.
Tháinig siad amach mar ghuth Ghlúin Kneecap.
Tá an réalta idirnáisiúnta Michael Fassbender i ról athair duine de na leaids, atá ina iar-fhear den IRA agus ina Ghaeilgeoir freisin. Ach dó féin, is cuid den troid in aghaidh na Breataine í an Ghaeilge.
Don triúr ball den bhanna, atá ar fad ina ról féin sa scannán – Liam Óg Ó hAnnaidh, Naoise Ó Cairealláin agus JJ Ó Dochartaigh, ar a dtugtaí freisin Mo Chara, Móglaí Bap agus DJ Próvaí – tá an Ghaeilge mar chuid dá gcultúr.
Ba é Rich Peppiatt a stiúir an scannán Kneecap agus tar éis an tseolta ag Féile Scannán Sundance i Utah sna Stáit Aontaithe, tá sé ag dul ó neart go neart.
Luann na léirmheasanna go ginearálta gur scannán grinn é Kneecap a bhfuil fuinneamh agus go leor droch-chaint ann, ach is dráma soladach é freisin faoin staid pholaitiúil i mBéal Feirste agus sa Tuaisceart.
Bunaithe i 1978 ag Robert Redford, agus ar a dtugtar tar éis a charachtar sa scannán Butch Cassidy and the Sundance Kid, tá Féile Scannán Sundance ar an bhféile is mó le rá ar domhan atá tiomnaithe do scannáin neamhspleácha.
Eiseofar Kneecap i bpictiúrlanna na hÉireann trí Wildcard Distribution i mbliana, agus tá an chéad albam de chuid Kneecap ag teacht amach i mbliana freisin.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
