Iar-shagart ó Bhóthar na Trá (Salhill) i nGaillimh Michael O’Flaherty tofa ina Choimisinéir um Chearta an Duine don Eoraip

26/01/2024

Deir an coimisinéir nua Michael O’Flaherty go bhfuil cearta daonna níos tábhachtaí inniu mar go bhfuil an córas daonnachtúil á dhiúltú

Is é an tOllamh Michael O’Flaherty ó Bhóthar na Trá (Salhill), Co na Gaillimhe, Coimisinéir um Chearta an Duine nua do Chomhairle na hEorpa.

Nuair a toghadh é dúirt an tOllamh O’Flaherty gur rud tábhachtach é go dtagann an coimisinéir nua as Éirinn, mar nach bhfuil ceannasaíocht choilíneachta (colonial domination) aici agus go bhfuil dúshláin ina stair lena n-áirítear an t-ocras (starvation).

Tánaiste Micheál Martin leis an Ollamh Michael O’Flaherty
Tánaiste Micheál Martin leis an Ollamh Michael O’Flaherty

Toghadh an gníomhaí cearta daonna (human rights activist) agus iar-shagart don phost ag Tionól Parlaiminteach na Comhairle (Council’s Parliamentary Assembly) i Strasbourg an tseachtain seo.

D’fhreastail an tOllamh O’Flaherty ar scoil i Scoil Iognaid i gcathair na Gaillimhe, agus ar Willow Park School agus ar Blackrock College i gCo Baile Átha Cliath.

Oirníodh (ordained) ina shagart Caitliceach é i 1987, ach d’fhág sé an tsagartacht chun dul i mbun obair chearta an duine sna 1990idí.

Tá O’Flaherty ina Ollamh le Dlí Cearta Daonna ag Ionad na hÉireann um Chearta an Duine in Ollscoil na Gaillimhe ó mhí Feabhra 2013.

Ciallaíonn teacht as Éirinn go dtagann an coimisinéir ó thír bheag nach bhfuil stair de cheannas na coilíneachta aici
‘Ciallaíonn teacht as Éirinn go dtagann an coimisinéir ó thír bheag nach bhfuil stair de cheannas na coilíneachta aici’

Is institiúid neamhbhreithiúnach neamhspleách neamhchlaonta (independent agus impartial agus non-judicial) é an Coimisinéir um Chearta an Duine a bhunaigh Comhairle na hEorpa i 1999 chun feasacht (awareness) ar chearta an duine agus meas ar chearta an duine a chur chun cinn ar fud 46 ballstát na Comhairle.

Roimhe seo bhí roinnt post sinsearach ag an Ollamh O’Flaherty sna Náisiúin Aontaithe, agus bhí sé ina Phríomh-Choimisinéir ar Choimisiún Thuaisceart Éireann um Chearta an Duine.

Dúirt sé leis an Irish Times go raibh a thaithí sa Tuaisceart ina ullmhúchán riachtanach don phost mar go gcabhraíonn sé le ‘droichid a thógáil agus muinín a bhunú trasna pobail roinnte’.

Dúirt sé go bhfuil sé suntasach d’fhigiúr Éireannach an post a shealbhú.

‘Ciallaíonn teacht as Éirinn go dtagann an coimisinéir ó thír bheag nach bhfuil stair de cheannas na coilíneachta aici, tír a raibh eolas aici ar dhúshláin ollmhóra i rith na staire, an t-ocras san áireamh,’ a dúirt an tOllamh O’Flaherty.

Micheal Martin 1 480x672 2
D’fháiltigh Micheál Martin roimh cheapachán an Ollaimh a rinne obair an-tábhachtach ‘i roinnt post ardleibhéil i réimse chearta an duine’.

‘Tá taithí againn ar Chomhaontú Bhéal Feirste-Aoine an Chéasta agus ar an bpróiseas síochána a thugann ceachtanna thar a bheith ábhartha do go leor sochaithe (societies) eile atá ag tabhairt aghaidh ar choimhlint.’

D’fháiltigh an Tánaiste Micheál Martin roimh cheapachán an Ollaimh O’Flaherty a rinne obair an-tábhachtach ‘i roinnt post ardleibhéil i réimse chearta an duine’.

Dúirt an tOllamh O’Flaherty leis an Irish Times freisin: ‘Tá ról an choimisinéara thar a bheith tábhachtach sa lá atá inniu ann, tráth go bhfuil  mí-úsáidí cearta daonna ann agus chomh maith leis sin go bhfuil diúltú ag daoine  don chóras cearta daonna.’

Bhuaigh an tOllamh O’Flaherty le 104 vóta as 211 i vóta de chuid thionól parlaiminteach Chomhairle na hEorpa oíche Dé Céadaoin, ag cur in aghaidh na n-iarrthóirí iomaíochta Meglena Kuneva na Bulgáire agus Manfred Nowak na hOstaire.

Rachaidh sé i mbun an phoist ar 1 Aibreán.


Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie


Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil

RFailtelogo 1
rnaglogo2 1
TG4logo 2
RnaLlogo 4

Comhroinn Anois

You might also like ...

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram