Bhí cruinniú príobháideach ag Celtic agus Brendan Rodgers leis an bPápa Proinsias maidin Dé Céadaoin tar éis do chlub na hAlban a bheith sa Róimh do chluiche Shraith na Seaimpíní (Champions League).
D’imir na Bhoys i gcoinne fhoireann na Róimhe Lazio oíche Dé Máirt ag an Stadio Olimpico ach ní dhearna siad ró-mhaith agus chaill siad an cluiche 2-0.
Bhí an cluiche suntasach mar gheall ar thacaíocht áitiúil Lazio a thug roinnt bratacha (banners) chuig an gcluiche, lena n-áirítear ráitis faoin nGorta Mór in Éirinn agus fréamhacha Caitliceacha an chlub.
Sular éirigh leo a mbealach a dhéanamh ar ais go Glaschú, ghlac bainisteoir Celtic, Brendan Rodgers, in éineacht leis na himreoirí agus an fhoireann, an deis bualadh leis an Athair Naofa.
‘Tá áthas orm fáilte a chur romhat anseo go dtí an Vatacáin, le linn do chuairte sa Róimh tar éis do chluiche Sraithe Seaimpíní UEFA le Lazio tráthnóna inné,’ a dúirt an Pápa mar chuid den chuairt.
‘Cé go bhfuil sé fíor gur fearr i gcónaí cluiche a bhuachan seachas a chailliúint, ní hé seo an ghné is tábhachtaí de.
‘Níos tábhachtaí sin atá an sampla a thugann tú nuair a bhíonn tú ag buachan nó ag cailleadh, ar an bpáirc agus lasmuigh di.’
Dúirt an Pápa le foireann Celtic: ‘Cuireann oidhreacht luachmhar do chlub, mar sin, freagracht mhór ar do ghualainn, ag meabhrú duit a bheith ina eiseamláirí (role models) maithe, go háirithe do dhaoine óga.
‘Baineann na caighdeáin a dtugtar ort ní hamháin le do chumais mar lucht spóirt ach baineann siad le d’ionracas pearsanta freisin.
‘I dtaca leis seo, ní hamháin go bhfeicfeadh fir agus mná ionat peileadóirí breátha ach freisin daoine cineálta, fir mhóra chroí a bhfuil a fhios acu conas a bheith ina maoir ciallmhar ar an iliomad buntáistí a fhaigheann tú as do phoist phribhléideacha sa tsochaí.’
Ansin thug sé a bheannacht dóibh agus dúirt sé:
‘Go mbeannaí Dia uilechumhachtach sibh féin agus bhur muintir. Guím turas slán abhaile go hAlbain oraibh, agus iarraim oraibh, le bhur dtoil, guí ar mo shon!’
• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
