‘Thar a bheith sásta’ – Feehily ag caint faoi a theacht ar ais le Westlife

19/11/2023

Bhí imní ar Mark Feehily roimh fhilleadh ar Westlife agus labhraíonn sé faoi roinnt céimeanna rince a bheith ar iarraidh agus é fós ag téarnamh óna thinneas

Labhair Mark Feehily faoina fhilleadh ar Westlife, ag tabhairt le fios go raibh ‘imní’ air go mb’fhéidir nach mbeadh sé réidh.

Bhí roinnt fadhbanna sláinte ag an amhránaí lena n-áirítear é a bhualadh síos le niúmóine (pneumonia), rud a d’fhág san ospidéal é agus mar sin ní raibh sé in ann canadh ag dhá cheann dá gceolchoirmeacha.

I mí na Bealtaine, thug Feehily le fios ansin go mbeadh sé ag éirí as a chuid dualgas ceoil, agus nach mbeadh sé ag dul i dteannta na mbuachaillí ar chéim an tsamhraidh dá dturas Wild Dreams.


Westlife 5

Éist le Flying Without Wings le Westlife ANSEO


Bhí an-áthas ar a lucht leanúna, áfach, nuair a tháinig Mark ar ais agus bhí sé ar Good Morning Britain agus é ag caint faoi Westlife sna Stáit Aontaithe.

D’fhill Feehily ar an mbanna le déanaí, a bhí ag canadh ar fud an domhain mar chuid dá chamchuairt Wild Dreams.

Ag dul ar Instagram ag an deireadh seachtaine, bhí Feehily ag caint faoi na sé mhí atá caite agus é ag gabháil buíochais lena lucht leanúna as an tacaíocht ollmhór a tugadh dó.

‘Le mo obráid agus mo théarnamh leanúnach, bhí an grá agus na focail chineálta tacaíochta a léirigh sibh ar líne agus ag na ceolchoirmeacha chomh fuinniúil agus chomh cumhachtach,’ a dúirt Feehily.

Mark Feehily 2
Mark Feehily

Dúirt sé go raibh ‘imní air faoi bheith réidh le filleadh ar na ceolchoirmeacha’ sa tSín.

‘Le beagán paisean agus misnigh agus den chuid is mó le tacaíocht ó ghaolta agus uaibhse, tháinig mé chuig an seó agus cé nach raibh mo léirithe foirfe go foil, braithim go bhfuil an t-ádh orm fiú a bheith ar an stáitse AM AR BITH.

‘Fiú má theip orm le bogadh rince anseo nó ansiúd agus go bhfuilim ag bogadh go sealadach beagán níos moille ná mar is gnách, creidim gur turas iontach a bhí ann dom.’

Dúirt Feehily, athair le páiste amháin, go bhfuil sé ‘thar a bheith sásta’ a rá gur éirigh thar barr leis an gcamchuairt agus thug sé faoi deara gur bhain siad ‘an-taitneamh as’ a gcuid ama le chéile.

Westlife
Westlife

‘Tá an draíocht a bhaineann linn ag canadh ár n-amhrán le (agus lenár!) dár lucht leanúna beo go maith agus go fírinneach agus sin an rud is tábhachtaí!’ a dúirt sé.

Ghlac cairde agus lucht leanúna leis na tuairimí chun Feehily a mholadh as a theacht ar ais, le comhghleacaí an bhanna Kian ag rá: ‘Is iontach an rud é bheith ar ais agus “smashing it” gach oíche!’

Scríobh duine eile: ‘Fan go humhal agus lean ort a bheith misniúil, agus ná déan dearmad go bhfuil tú iontach mar atá tú. Grá mór xx.’

Dúirt duine eile: ‘Ag breathnú go maith.’


Scéalta ExtraG.ie ó Luan go hAoine

• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

Comhroinn Anois

You might also like ...

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram