Tá rabhadh tugtha ag an IRFU do lucht leanúna gan ticéid a cheannach ón mhargadh dubh do chluiche ceathrú ceannais Chorn an Domhain i gcoinne na All Blacks.
Tá praghsanna ticéid ar an margadh dubh an-ard don chluiche an-tábhachtach agus tá fonn fós ar an lucht leanúna iad a cheannach – ach seans go bhfuil siad ag íoc praghas níos airde ná mar a cheapann siad.
Is é an Stade de France an áit a imreofar an cluiche oíche Dé Sathairn.
Tá Éire sna hocht gcinn dheireanacha agus tá siad ag ullmhú chun feabhas a dhéanamh ar a rath go dtí seo, agus léim stairiúil a dhéanamh isteach i gcluiche leathcheannais Chorn an Domhain.
Shroich lucht leanúna na hÉireann an Fhrainc ina sluaite le linn na gcéimeanna tosaigh, agus an dath glas ag líonadh an Stade de Bordeaux le haghaidh oscailt an chomórtais i gcoinne na Rómáine.
Tháinig móiminteam ar thacaíocht fhoireann Andy Farrell agus breis agus 15,000 de lucht leanúna dílis ag déanamh gean ar an taobhlíne in aghaidh Tonga ag an Stade de la Beaujoire i Nantes sular tharraing an chluiche mór leis an Afraic Theas breis agus 30,000 Éireannach chuig an Stade de France.
Agus Éire ag filleadh ar an láthair chéanna i bpríomhchathair na Fraince an deireadh seachtaine seo, táthar ag súil go ndéanfaidh líon níos mó de lucht leanúna an turas.
Mar gheall ar an éileamh méadaithe ar thicéid tá méadú tagtha ar thairiscintí an mhargaidh dhubh, agus táthar ag súil go sroichfidh praghsanna trí bhealaí neamhoifigiúla €1,000 faoin deireadh seachtaine,
Mhol urlabhraí an IRFU Peter Breen do lucht leanúna dul trí bhealaí oifigiúla agus ticéid á gceannach acu chun ‘coirpigh’ a sheachaint a d’fhéadfadh a bheith ag iarraidh sonraí pearsanta ar nós uimhreacha cártaí creidmheasa a ghoid.
Dúirt sé: ‘Molaimid dóibh siúd atá ag cuardach ticéid úsáid a bhaint as na suíomhanna oifigiúla amháin.
‘Ní hamháin go bhfuil daoine amuigh ansin ag baint leasa as na praghsanna, tá coirpigh ann freisin nach bhfuil ticéad acu in aon chor agus atá ag iarraidh uimhreacha cártaí creidmheasa agus cibé sonraí agus is féidir leo a bhaint as.
‘Is gá d’aon duine atá ag iarraidh ticéad a cheannach do chluiche na Nua-Shéalainne an Satharn seo nó aon cluichí eile a d’fhéadfadh a bheith á imirt againn go luath, logáil isteach agus clárú do thicéad tríd na bealaí oifigiúla sin.’
• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
