Tá tacaíocht tugtha ag an Tánaiste Micheál Martin do chinneadh cead a thabhairt do shaighdiúirí Éireannacha oiliúint (training) in úsáid raidhfil (rifles) a chur ar fáil do shaighdiúirí na hÚcráine.
Roinn an tUasal Martin a chuid tuairimí le linn cuairte ar Kyiv le haghaidh cruinnithe den Chomhairle Eorpach um Ghnóthaí Eachtracha (European Foreign Affairs Council).
Tá ceisteanna curtha faoi seo agus an bhfuil sárú ar neodracht na hÉireann i gceist.
Chuir 30 saighdiúir Éireannacha oiliúint ar fáil do bhaill d’fhórsaí armtha na hÚcráine níos luaithe i mbliana, mar chuid de chlár Misean Cúnaimh Mhíleata (Military Assistance Mission) san Úcráin an AE (EUMAM).
Ní fios ag an am, áfach, go raibh siad á n-oiliúint in airm.
I mí Aibreáin, rinne saighdiúirí Éireannacha oiliúint i Dornstadt in éineacht le traenálaithe leighis arm na Gearmáine, agus reáchtáladh cúrsa dí-mhianadóireachta (de-mining) agus imréitigh pléascán (explosives clearance) sa Chipir (Cyprus) ar feadh ceithre seachtaine i gcomhar le harm na Polainne.
Cheadaigh an Rialtas rannpháirtíocht na hÉireann i gcuid eile de chlár an Aontais Eorpaigh i mí Iúil, agus liostáil preasráiteas Diúscairt Ordanáis Phléascach (explosive ordnance disposal, EOD) i measc na hoiliúna a bhí á dtairiscint, ach níor luadh oiliúint raidhfil (rifle training).
Cháin an TD Paul Murphy an t-aistriú chun bunoiliúint airm a sholáthar do shaighdiúirí Úcránach ag an am mar ‘imeacht nua i sárú an Rialtais ar neodracht mhíleata na hÉireann’.
Nuair a fiafraíodh de faoi thuarascáil de chuid an Irish Times a dúirt go mbeadh oiliúint raidhfil san áireamh sa chlár a chuir saighdiúirí Éireannacha ar fáil, dúirt an tUasal Martin nach raibh san áireamh sa ‘theagasc druileála an-bhunúsach’.
Dúirt sé freisin le Nuacht RTÉ ag a hAon gur le haghaidh dímhianadóireachta a bhí formhór na hoiliúna a chuir saighdiúirí Éireannacha ar fáil, agus dúirt sé gur beag an méid a chuir Éire le hoiliúint a chur ar shaighdiúirí Úcránach, ‘i gcoibhneas le daoine eile’.
• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
