Tá Gardaí ag fiosrú bagairtí ar Airí

Tá sé ráite i bhfíseáin go bhfuil údar maith le foréigean in aghaidh Airí

Tá físeáin faoi bhagairtí ar Airí Rialtais á scrúdú ag Gardaí.

Tá Aonad Bleachtaire Speisialta an Gharda Síochána ag fiosrú bagairtí báis líomhnaithe a rinneadh i gcoinne chomhaltaí na Comh-Aireachta.

Bhí bagairtí freisin ag baill den phobal gur mhian leo ‘an Dáil a chur trí thine’.

Tagann sé seo ag am atá sé beartaithe ag gardaí ragobair a tharraingt siar ar lá an Bhuiséid, 10 Deireadh Fómhair.

In ainneoin agóidí foréigneacha lasmuigh den Dáil, dúirt an Aire Dlí agus Cirt Helen McEntee go bhfuil sé deimhnithe ag Coimisinéir an Gharda Síochána Drew Harris go mbeidh a dhóthain póilíneachta ar fáil.

Tá roinnt físeán a phostáiltear ar na meáin shóisialta, chomh maith le bagairtí pearsanta, á scrúdú ag gardaí faoi láthair.

Áirítear leis na físeáin bagairtí díreacha ar chomhaltaí sinsearacha na Comh-Aireachta.

I gcás amháin, deir fear ag labhairt le ceamara go gcreideann sé go bhfuil údar maith le foréigean in aghaidh chomhaltaí na Comh-Aireachta.

Postáladh an físeán níos luaithe i mbliana ach roinneadh é le seachtainí beaga anuas, rud a spreag eagla go bhféadfadh an fear seo a bheith dainséarach.

Tá roinnt Teachtaí Dála tar éis labhairt faoin tionchar a bhí ag bagairtí báis ar a saol le tamall anuas.

Dúirt an tAire Sóisearach Mary Butler go raibh sí faoi bhagairtí báis i rith an tsamhraidh agus gur chomhairligh na gardaí di ‘fanacht sa bhaile’.

Agus agóidí foréigneacha le déanaí lasmuigh de Theach Laighean tá faitíos roimh ionsaithe ar pholaiteoirí.

Tá gardaí ag féachaint cheana féin ar dhaoine áirithe a tháinig ar a n-aird ag léirsithe roimhe seo agus ar na meáin shóisialta as a n-iompar maslach ag agóidí.

Gardai feat 768x448 1

Mar sin féin, tar éis na n-eachtraí lasmuigh den Dáil, tá go leor daoine nua le feiceáil freisin.


Scéalta ExtraG.ie ó Luan go hAoine

• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

Comhroinn Anois

You might also like ...

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram