Gabhadh triúr fear eile maidir le cóicín a urghabháil, ar fiú €157 milliún é, ó long amach ó chósta Chorcaí.
Tugann sé sin líon iomlán na bhfear a coinníodh i ndáil leis an ngabháil go dtí seisear.
Dúirt ceannairí na nGardaí gur urghabh siad drugaí ar fiú iad €157 milliún ó chairtéal ‘marfach’ Mheiriceá Theas.
Dúirt siad freisin gurb é sin ar an urghabháil (seizure) drugaí is mó i stair na hÉireann.
Chuaigh baill de na ‘Rangers’ ar an long lastais (cargo ship) amach ó chósta Chorcaí agus d’aimsigh siad 2,253 cileagram chóicín.
Ag labhairt dó ag cruinniú faisnéise meán i mBaile Átha Cliath Dé Céadaoin, dúirt Coimisinéir Cúnta an Gharda Justin Kelly: ‘Is é seo an urghabháil drugaí is mó i stair an Stáit.’
Creidtear gurb í an MV Matthew, a cláraíodh i bPanama, an ‘mothership’ – cuid lárnach d’aistriú mór cóicín il-mhilliún euro atá i gceist.
Cé nach bhfuil siad in ann tír thionscnaimh na ndaoine a bhí ar bord na loinge a dhearbhú, deirtear gur de bhunadh Mheiriceá Theas chuid acu agus go bhfuil daoine áirithe ‘marfach’.
Le linn na hoibríochta chuaigh saighdiúirí armtha ar an long a dhiúltaigh stopadh.
Scaoileadh urchair rabhaidh níos luaithe. Bhí baint ag fórsaí an Chabhlaigh leis an oibríocht freisin.
‘Dhiúltaigh an long ceannaíochta treoracha ár loinge féin a leanúint. Bhí sé seo sular cuireadh isteach na Rangers. Baineadh úsáid mhéadaithe as fórsa chun iallach a chur ar an long treoracha chaptaen na loinge a leanúint,’ a dúirt an Ceannasaí Tony Geraghty, oifigeach oibríochtaí cabhlaigh (fleet operations officer) Sheirbhís Chabhlaigh na hÉireann (Irish Naval Service).
Dúirt an Coimisinéir Cúnta Kelly gur rud ‘an-suntasach’ é. Dúirt sé: ‘Is grúpaí trasnáisiúnta iad na grúpaí seo. Tá siad ag obair ar fud an domhain agus, mar gheall air sin, ní mór dúinn oibriú lenár gcomhpháirtithe idirnáisiúnta.’
Dúirt an Ceannasaí Geraghty: ‘Bhí comhoibríocht thar a bheith casta idir an tSeirbhís Chabhlaigh, an tAerchór, na Rangers agus ceanncheathrú Óglaigh na hÉireann.
‘Agus ansin bhí sé níos casta fós ag timpeallachtaí nach raibh aon smacht againn air. Bhí an aimsir úfásach.
‘Agus freisin bhíomar ag iarraidh a thuar cad a dhéanfaidh líon na dronganna coireachta agus cén tionchar a bheadh aige sin orainne.
‘D’éirigh go han-mhaith leis ó thaobh na fórsaí cosanta de, léirigh sé an cumas atá againn oibriú sa chomhthimpeallacht.’
Díreach 24 uair an chloig roimhe sin tháinig sé chun solais gur chuaigh trálaer – a raibh monatóireacht á déanamh air faoi amhras go raibh sé ag iompar drugaí – ar thalamh amach ó chósta Loch Garman.
Beidh scrúduithe fóiréinseacha ar ‘gach orlach’ den long ar siúl anois, de réir foinsí slándála. Mar gheall ar mhéid na loinge, áfach, d’fhéadfadh an scrúdú seo a bheith ar laethanta.
Nuair a fiafraíodh de ar chreid siad gur fhág cóicín ar bith an long sular cuireadh isteach é, dúirt an Coimisinéir Cúnta Justin Kelly ag an am nach raibh sé in ann trácht a dhéanamh air sin toisc go raibh daoine faoi choimeád.
Coinníodh beirt fhear tar éis don trálaer dul ar talamh amach ó chósta na hAbhann Duibhe, Co. Loch Garman, Dé Domhnaigh. Tá amhras ar an mbád sin freisin go raibh baint aige le trádáil na ndrugaí.
Ar deireadh bhuail an trálaer bruach gainimh, as a dtáinig beirt fhear, a dtuigtear gur as Sasana agus Oirthear na hEorpa iad, agus tá said gafa ag Gardaí.
Ag an am dúirt an Coimisinéir Cúnta Justin Kelly, cé gur measadh luach na ndrugaí a urghabhadh mar €157 milliún tráth a n-urghabhála, go bhféadfadh an luach a bheith méadaithe ag brath ar cad a tharlódh dá rachadh sé isteach i margaí Eorpacha eile.
• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
