Féach ar seo: An bhfaca tú Gabriel Byrne agus Aidan Gillen mar seo riamh cheana?

22/09/2023

Byrne mar Beckett, ag troid in aghaidh na Nazis agus ina ‘philandering fear céile

Beirt de na haisteoirí is cáiliúla in Éirinn is iad Gabriel Byrne agus Aidan Gillen, agus anseo tá siad i rólanna bheirt de na scríbhneoirí is cáiliúla as Éirinn.

Tá an chéad ‘trailer’  tite don scannán nua Dance First de chuid Gabriel Byrne agus Aidan Gillen, agus iad á léiriú beirt de na scríbhneoirí is suntasaí as Éirinn: Samuel Beckett agus James Joyce.

Byrne mar Beckett
Byrne mar Beckett

Roimh a chéad premiere ag Féile Scannán San Sebastián níos déanaí an mhí seo, fuair daoine anseo léargas ar a bhfuiltear ag súil leis san scannán de chuid Sky.

Is é James Marsh, buaiteoir Oscar, a stiúraigh an scannán nua seo.

Rinne Marsh an gclár faisnéise Man on Wire agus an  scannán The Theory of Everything.

FÉACH AR AN ‘TRAILER’ ANSEO

Tá Byrne i ról Beckett in éineacht le réalta Normal People, Fionn O’Shea, a léiríonn an scríbhneoir ina óige.

Leanann Dance First shaol Beckett ón am a bhí sé ina bon vivant Parisianach, agus trodaire lucht frithbheartaíochta  (resistance) an Dara Cogadh Domhanda, go dtí an drámadóir, fear céile cliúsaíochta (philander) agus ‘recluse’ a bhuaigh Duais Nobel.

Feicimid a shaol freisin trína chaidreamh le James Joyce (Gillen), a bhean Suzanne (Sandrine Bonnaire) agus a leannán Barbara Bray (Maxine Peake).

Ag labhairt dó ar an scannán, dúirt Gabriel Bryne: ‘Is íocón liteartha uilíoch é Samuel Beckett, agus níor cuireadh a shaol ar scannán riamh roimhe seo.

‘Is fíorbheagán píosaí scannáin de atá ar fáil in aon áit, agus mar sin ba dheis iontach é seo, a bheith in ann scríbhneoir chomh tábhachtach agus duine de na hÉireannaigh is cáiliúla riamh a léiriú i scannán.’

Gillen mar Joyce
Gillen mar Joyce

Beidh Premiere Domhanda Dance First ar 30 Meán Fómhair ag Féile Scannán San Sebastián agus eiseofar an scannán go hoifigiúil i bpictiúrlanna roghnaithe Éireannacha ó 3 Samhain agus tiocfaidh sé i dtír ar Sky Cinema i mí na Nollag.

Comhroinn Anois

You might also like ...

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram