Níl an €150,000 íoctha ar ais ag Tubridy le RTÉ go fóill

15/08/2023

Insíonn Ardstiúrthóir RTÉ, Kevin Bakhurst, faoin idirbheartaíocht le Tubridy maidir le filleadh ar a chlár raidió maidine

Tá sé tugtha le fios ag Ardstiúrthóir RTÉ, Kevin Bakhurst, nach bhfuil €150,000 d’airgead na gcáiníocóirí aisíoctha go fóill ag Ryan Tubridy.

De réir mar a leanann idirbheartaíocht ar aghaidh faoi thodhchaí Tubridy ag RTÉ, tá an cheist fós faoin airgead le haghaidh láithrithe Renault nach raibh le déanamh aige.

Thug Tubridy le fios roimhe seo go dtabharfadh sé an t-airgead ar ais.

Ryan Tubridy
Ryan Tubridy

‘Mura bhfuiltear ag iarraidh an obair sin a thuileadh, ar ndóigh téann an t-airgead ar ais,’ a dúirt sé.

In agallamh leis an Sunday Independent, dúirt an tUasal Bakhurst nach bhfuil an €150,000 tugtha ar ais.

An mhí seo caite, dúirt an t-Ardstiúrthóir le Coiste Oireachtais nár iarradh ar iar-óstach an Late Late Show an t-airgead a thabhairt ar ais.

Dúirt sé, áfach, go bhfáilteodh sé roimh aon bheart ó Tubridy é a aisíoc.

Ardstiúrthóir RTÉ, Kevin Bakhurst
Ardstiúrthóir RTÉ, Kevin Bakhurst

‘An féidir linn é a fháil ar bhonn dlíthiúil? Sílim gur dócha nach féidir,’ a dúirt an tUasal Bakhurst.

‘Ar cheart don Uasal Tubridy agus [a ghníomhaire, Noel] Kelly cinneadh a dhéanamh é a íoc? Ceapaim gurb é sin an rud ceart a dhéanamh? Fáiltímid roimh sin,’ a dúirt sé.

Fuair Tubridy trí íocaíocht de €75,000 le haghaidh láithreas pearsanta pleanáilte do Renault, faoi chomhaontú tráchtála a rinneadh le RTÉ.

Ach toisc gur aontaigh RTÉ tacú leis an margadh bhí ar an cáiníocóir íoc as dhá cheann de na híocaíochtaí tar éis do Renault cúlú.

Bhí Tubridy le láithreas pearsanta eile a dhéanamh do Renault – agus thug sé le fios go n-aisíocfadh sé an dá íocaíocht €75,000 a bhí amuigh mura rachfaí ar aghaidh leis na himeachtaí tráchtála.

RTE 3 1168x681 1

Thug an Sunday Independent le fios go bhfuil cainteanna anois dírithe ar Tubridy agus a chlár 9am ar RTÉ Raidió 1.

‘Tá práinn ann anois an cheist seo a réiteach agus tá súil agam gur féidir linn é sin a dhéanamh sa tseachtain amach romhainn nó mar sin,’ a dúirt an tUasal Bakhurst.

Dúirt sé: ‘Mar a dúirt mé cheana, is craoltóir thar a bheith cumasach é Ryan, agus mar aon le haon duine a bhfuil tallann mar sin aige, bíonn raon féidearthachtaí ann i gcónaí.

‘Ag an bpointe seo, tá an plé dírithe ar an sliotán 9rn.’


Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.


Nuachtlitir Extrag.ie/Extra.ie Newsletter

Más mian leat ríomhphost (email) a fháil leis na scéalta is fearr ar Extra.ie, ó Luan go hAoine, seol an focal ‘Tá’ chuig joeextragdotie@gmail.com

Comhroinn Anois

You might also like ...

Lean ExtraG.ie

Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram