Tá ‘wave’ nua de Covid anseo, a deir an Taoiseach

11/08/2023

Tá rabhadh tugtha ag saineolaí sláinte, maisc a chaitheamh in áiteanna poiblí agus ‘booster’ a fháil i gcoinne Covid

Tá ‘ráig (wave) nua Covid’ in Éirinn, a dúirt an Taoiseach Leo Varadkar. Agus tá méadú faoi thrí tagtha ar líon na ndaoine san ospidéal leis an víreas i gceann coicíse.

Tá sé deimhnithe ag an HSE anois go bhfuil leagan nua níos in-tarchurtha (transmissible) den tinneas, Eris, tugtha faoi deara anseo.

Covid in ICU
Covid in ICU

Tá méadú mór tagtha ar chásanna Covid-19 ar fud an domhain cheana féin.

Gan ach seachtainí sula bhfillfidh na páistí ar scoil, d’admhaigh an tUasal Varadkar go raibh ráig nua anseo.

Dúirt sé, áfach: ‘Ní dóigh liom go dtabharfar isteach srianta (restrictions) arís. Táimid in áit an-difriúil ná mar a bhí nuair a thosaigh Covid.’

Tá Anthony Staines, ollamh le córais sláinte in DCU, tar éis spreagadh a thabhairt do dhaoine a vacsaíní teanndáileog (booster) Covid a fháil agus chun maisc a chaitheamh i gceantair atá go háirithe plódaithe.

Dúirt sé: ‘Déanann sé a lán ciall maisc a chaitheamh ar iompar poiblí agus i gceantair atá plódaithe go háirithe. Sílim go bhfuil gá freisin le hinfheistíocht i scagachán (filtration) agus íonú aeir.’

Méadú faoi thrí tagtha ar líon na ndaoine san ospidéal leis an víreas i gceann coicíse
Méadú faoi thrí tagtha ar líon na ndaoine san ospidéal leis an víreas i gceann coicíse

Dúirt an saineolaí go bhfuil an teachtaireacht do dhaoine cosúil leis an teachtaireacht le linn ráig níos luaithe de Covid.

Dúirt sé: ‘Má tá tú tinn ba chóir duit fanacht sa bhaile.

‘Ní bheidh meas ag do chomhoibrithe ar dhuine ag teacht isteach le casacht olc. Ach is iad na trí rud is tábhachtaí ná scagachán aeir, íonú aeir agus maisc i suíomhanna plódaithe.’

Dúirt an tUasal Varadkar: ‘Sílim go bhfuil muid ag tabhairt aghaidh ar ráig nua Covid. Tharla go leor ionfhabhtuithe (infections) agus tá méadú tagtha ar líon na n-ospidéal.’

Mar sin féin, dúirt an Taoiseach: ‘Tá méid ollmhór imdhíonachta (immunity) mar go raibh an víreas ag daoine agus gur tháinig siad slán as.

‘Agus ansin tá méid ollmhór imdhíonachta mar gheall ar vacsaíniú.

covid 960x560 1

‘Mar sin, ní rud ar bith a bhfuilimid bogásach (complacent) faoi, ar a laghad, ach is víreas nua é, víreas a mbeidh orainn maireachtáil leis, agus beidh ráigeanna ionfhabhtaithe ann, díreach mar atá leis an bhfliú, mar shampla.’

Scríobh scoil amháin, áfach, chuig tuismitheoirí ag rá: ‘Agus é seo á scríobh, táimid ag pleanáil d’athoscailt iomlán.

‘Ar ndóigh, b’fhéidir go mbeidh comhairle sláinte ón Rialtas chomh mór sin nach féidir tuairisceán iomlán a thabhairt, tá súil againn nach mar sin a bheidh sé.

‘Tá pleananna déanta againn chun scaradh sóisialta (social distancing) agus sláintíocht rialta láimhe a spreagadh.’

Dúirt urlabhraí de chuid na Roinne Oideachais nach bhfuil aon srianta beartaithe ar scoileanna mar thoradh ar an ardú ar chásanna Covid.

Dúirt an HSE go bhfuil Eris níos in-tarchurtha ná na leaganacha a bhí ann roimhe seo.

Tá 408 cás san ospidéal anois leis an víreas, méadú ó 121 coicís ó shin. Tá an víreas ag 12 duine san ICU, díreach ceann amháin níos mó ná coicís ó shin.

Tá díreach os cionn 3,700 tástáil críochnaithe le seacht lá anuas, le ráta deimhneacht (positivity) 18%.

Dúirt an HSE go bhfuil líon iomlán na n-othar san ICU a bhfuil Covid-19 orthu fós íseal.


Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.


Nuachtlitir Extrag.ie/Extra.ie Newsletter

Más mian leat ríomhphost (email) a fháil leis na scéalta is fearr ar Extra.ie, ó Luan go hAoine, seol an focal ‘Tá’ chuig joeextragdotie@gmail.com

Comhroinn Anois

You might also like ...

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram