Chualathas ag aifreann sochraide Kiea McCann,17, go raibh a lámha ar lámha a cara is fearr Dlava Mohamed, 16, ag láthair na timpiste, áit ar bhásaigh siad go tragóideach.
‘Bhí a fhios acu go raibh siad imithe chun na bhflaitheas le chéile,’ a dúirt an Sagart Paróiste, an tAthair John Chester.
Dúirt sé gur shuigh sé le hathair Kiea, Franky, agus gur éist sé lena chuntas ar iarracht a dhéanamh an bheirt chailíní sna déaga a shábháil nuair a shroich sé láthair na timpiste.
‘Níor cheart go mbeadh ar athair radharc chomh uafásach a fheiceáil,’ a dúirt an tAthair Chester.
Maraíodh na cairde is fearr nuair a bhí timpiste ann leis an carr a raibh siad ag taisteal ann in aice le Cluain Eois (Clones) agus iad ag dul chuig debs Dé Luain.
I leabhrán sochraide do Kiea McCann d’úsáideadh grianghraf de na cairde ‘embracing’ go teann mar aon le dán a rinne cur síos ar an lúcháir a bhain le ‘cara is fearr amháin’ a aimsiú.
Cuimhníodh ar an mbeirt dhéagóir agus adhlacadh iad ag an am céanna i gCluain Eois agus i mBaile Átha Cliath.
Reáchtáladh sochraid Ioslamach do Dlavá i Mosc Chluain Sceach (Clonskeagh) i mBaile Átha Cliath sular cuireadh i Reilig Moslamach an Chaisleáin Nua é.
D’fhág hears a bhí ag iompar choirp Dlava áras an teaghlaigh i gCluain Eois go luath ar maidin don turas dhá uair an chloig chuig an mosc.
Dúradh leis an tseirbhís do Dlava go ‘raibh brón ar an pobal Moslamach ar fad agus muintir na hÉireann ar fad’ mar gheall ar an timpiste.
Eagraíodh bus chun teaghlaigh agus mic léinn ó Choláiste an Learga (Largy College) a thabhairt go dtí an mosc i gCluain Sceach.
Rinne an Leas-Phríomhoide Michael Killen ionadaíocht don scoil agus bhí Graham Tolan, ionadaí ó Stáisiún Garda Mhuineacháin, i láthair freisin.
Chruthaigh mic léinn garda onóra nuair a tugadh cónra bán Dlava as an mosc isteach sa hears feithimh.
Bhreathnaigh daltaí baineanna a raibh scaifeanna cinn orthu ar an tseirbhís ón mbalcóin agus d’fhan mic léinn fireanna thíos staighre.
Tar éis na seirbhíse , dúirt an Dr Ali Selim, ball sinsearach d’fhoireann an Ionaid Chultúrtha Ioslamaigh (Islamic Cultural Centre), gur chuir an tragóid ionadh ar an bpobal Moslamach ar fud na hÉireann.
‘Is lá an-brónach é, go háirithe nuair a smaoiníonn tú ar chúinsí an teaghlaigh (Mohamed),’ a dúirt sé.
‘D’imigh siad ón tSiria mar níor mhothaigh siad sábháilte, ag lorg cosanta, agus ar an drochuair, an áit ar cheap siad go mbeadh siad sábháilte, bhí siad buailte leis an tragóid seo.
‘Tá sé scanrúil don phobal. Ba mhaith liom ár gcomhbhrón ó chroí a ghabháil leis an teaghlach ar fad agus leis na cairde freisin.’
Bhí mic léinn ó Choláiste Learga agus an Príomhoide Sharon Magennis i measc na gcrónóirí a bhailigh ag Séipéal an Chroí Ró-Naofa i gCluain Eois do shochraid Kiea.
Lasadh coinneal ar altóir an tséipéil i gCluain Eois i gcuimhne ar Dlava.
I measc na siombailí a cuireadh i láthair roimh an aifreann i gcuimhne Kiea bhí figiúirí de Mickey agus Minnie Mouse; straightener gruaige; a iPhone agus grianghraf a Debs a tógadh díreach uaireanta roimh a bás Dé Luain.
Dúirt an tAthair Chester, a bhí i gceannas ar an Aifreann, le lucht a caoineadh: ‘Dúirt cairde i dteach McCann inné an tóir a bhí ar Kiea i measc a cairde.
‘Bhí greann iontach aici, sultmhar míthrócaireach agus neamhchiontach.
‘Is annamh a bhí sí, cosúil lena piaraí, ar an iPhone ag coinneáil i dteagmháil.
‘Chiceáil sí peil lena cairde, d’imir sí pool, bhain sí taitneamh as ceol agus na dioscónna deireadh seachtaine.
‘Bhí Kiea cineálta, lán-chroí, fíor. Bhí meas aici ar dhaoine eile is cuma cén cine agus creideamh.
“Tá pobal an choláiste croíbhriste,’ a dúirt sé.
Mar gheall ar an imbhualadh tá beirt – fear sna 60idí a bhí ag tiomáint an chairr in éineacht le deirfiúr Dlava – i riocht tromchúiseach san ospidéal.
Tá cóir leighis á cur ar Anthony McGinn i mBéal Feirste agus Auin Mohamed in ospidéal i mBaile Átha Cliath.
Bhí dáta Kiea Oisin Clerkin, atá 18 bliain d’aois, d’fhulaing, mar phaisinéir sa charr. Tá sé gortaigh ach níl sé bagrach don bheatha.
Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Más mian leat ríomhphost (email) a fháil leis na scéalta is fearr ar Extra.ie, ó Luan go hAoine, seol an focal ‘Tá’ chuig joeextragdotie@gmail.com
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
