Beidh cláir faoi thaisteal, faoi rásaíocht, faoi cheol agus beidh mionanailís ar cheist mhór pholaitiúil na huaire, Neodracht, ar fáil ar TG4 i Mí Iúil.
Agus dóibh siúd nach bhfuair an deis a gcuid clár is fearr leo a fheiceáil, áirítear sraith áirithe a léirítear ina n-iomláine ar Sheinnteoir TG4.
Tháinig ceoltóirí Éireannacha agus idirnáisiúnta le chéile le haghaidh Night & Day: Ó Dhubh go Dubh an bhliain seo caite agus bhí TG4 an freisin.
Bhí rochtain ag na láithreoirí Kayte O’Malley agus Cian Ó Maonlaí ar gach cuid den fhéile.
Ag labhairt le ExtraG.ie, thug Kayte léargas ar an spraoi atá le fáil leis an tsraith.
Dúirt sí: ‘An rud a thaitníonn liom faoi Night and Day: Ó Dhubh go Dubh ná go mbíonn an méid sin ceoltóirí ón tír seo ann.
‘Le linn Covid bhí go leor comhrá le daoine á rá gur cheart go mbeadh féile ann do cheoltóirí Gaeilge amháin.
‘Ach ansin rinne siad cinneadh na bannaí móra a thabhairt isteach. Is mór an trua sin mar ceapaim go bhfuil an oiread sin banaí den scoth againn in Éirinn.
‘Ach le moladh a thabhairt do Night and Day: Ó Dhubh go Dubh, is breá leo seans a thabhairt do cheoltóirí na hÉireann.’
Bhí ceoltóirí ar nós Villagers, Mary Wallopers, Orla Gartland agus John Grant le feiceáil ann.
Agus ar na cláir tá seiteanna ó stáitse na Banríona Medb agus agallaimh chúl stáitse le healaíontóirí.
Tá aird tarraingthe le déanaí ar pholasaí na hÉireann i leith neodrachta.
Is ábhar é a bhféadfadh an-chuid dian-dhíospóireacht a bheith mar thoradh air mar atá feicthe againn le cúpla seachtain anuas.
Reáchtáil ExtraG.ie pobalbhreith, áfach, inar fiafraíodh de dhaoine: ‘Conas a vótálfá dá mbeadh reifreann ar neodracht na hÉireann ann.’
Dúirt 57% gurbh fhearr leo go bhfanfadh an tír neodrach, ní raibh 15% cinnte agus ní dúirt ach 29% gur mhaith leo an tír a fheiceáil pháirteach le Nato.
Ach nuair a thug an tUachtarán foláireamh maidir le bogadh ó ‘neodracht dhearfach’, dúirt Aire Stáit Fhine Gael Neale Richmond go raibh an tUachtarán ‘gar’ do dhul thar an líne. Agus dúirt an t-iar-aire Gnóthaí Eachtracha, Charlie Flanagan go raibh an tUachtarán ag iarraidh ‘polasaí an Rialtais a mhúnlú’.
Sa chlár seo, fiosróidh Kevin Magee cad is brí le neodracht na hÉireann sa lá atá inniu ann agus amach anseo. An bhfuil neodracht na hÉireann ar tí athrú agus an féidir leis an tír í féin a chosaint sa ré úr seo?
Is fear é le go leor buanna Seán Bán Breathnach, mar a thuigeann go leor lucht féachana teilifíse.
Mar sin féin, tá rud eile atá ar eolas ag formhór éisteoirí Raidió na Gaeltachta, sé sin gur chomhairleoir rásaíochta den chéad scoth é.
Ach an bhfuil an draíocht caillte aige? Is féidir linn a fháil amach nuair a thabharfaidh sé féin agus foireann láidir TG4 aicsean beo chugainn ó dhá mhórimeacht rásaíochta.
Beidh rásaíocht chapall beo ó Bhaile an Bheileogaigh i gCo. na Mí (Bellewstown in Co. Meath) ar an 8ú Iúil agus rásaíocht ó Chill Airne i gCo. Chiarraí ar an 20ú Iúil. Le Seán Bán beidh Mánus Ó Conghaile, Sarah Lynam, Evelyn Ní Ghriallais agus Daragh Ó Conchúir.
Tá an tsraith thaistil ar fáil ar an Seinnteoir anois. Sna cláir tá triúr láithreoir, trí lá agus trí thasc le déanamh agus iad ar saoire bheag dhifriúil gach seachtain ag taispeáint bealach tarraingteach chun an domhan a fheiceáil.
Is seirbhís nuachta Gaeilge í www.ExtraG.ie a chuireann Nuacht agus Sport agus Siamsaíocht bhríomhar (lively) ar fáil gach lá, do dhaoine le ‘school Irish’ agus Gaeilgeoirí líofa.
Tá na focail simplí. Tá roinnt focal idir lúibíní (brackets) i mBéarla chun cabhrú le léitheoirí agus tá na scéalta gearr.
Le dul ar liosta ríomhphoist www.ExtraG.ie (email list) nó ar WhatsApp, abair ‘Tá’ ar ríomhphoist go joeextragdotie@gmail.com.
Agus chun tuilleadh eolais a fháil ar fheabhsú do chuid Gaeilge is féidir dul i dteagmháil le Conradh na Gaeilge agus Foras na Gaeilge.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
