Dúshlán ó McGrath do Leo agus é ag iarraidh cuid den ‘bank bailout debt’ ollmhór a íoc

Is cosúil go bhfuil Aire Airgeadais Fhianna Fáil Michael McGrath ag tabhairt dúshlán (challenge) do Thaoiseach Fhine Gael Leo Varadkar faoi phleananna an Bhuiséid.

Tá cáiníocóirí na hÉireann ag íoc €1 billiún in aghaidh na bliana i rátaí úis as an €40 billiún atá fós le híoc againn tar éis na bainc a chur ar tharrtháil (bailout).

Anois tá an tAire McGrath ag dréachtú pleananna chun cuid den fhiach (debt) sin a íoc in ionad é a chaitheamh sa Bhuiséad.

Tá sé ráite ag an Uasal Varadkar, áfach, go n-íocann saothraithe meánioncaim an iomarca cánach agus gur cheart dóibh cáin chiorraithe a fháil sa chéad bhuiséad eile, in éineacht le gach duine eile.

Tá an Irish Daily Mail ag tuairisciú go léiríonn doiciméid go bhfuil an tUasal McGrath ag smaoineamh ar an bhfiachas náisiúnta a laghdú 11% – ach fiú ansin bheadh sé fós ag €200 billiún.

Fadhb ag Michael McGrath le Leo Varadkar
Leo Varadkar

Eisíodh na doiciméid faoin reachtaíocht um Shaoráil Faisnéise.

Léiríonn siad gur chuir comhairleoir an Aire Airgeadais Kevin Barrett ceist ar John McCarthy, príomh-eacnamaí na Roinne Airgeadais, an 20 Aibreán, faoi úsáid a bhaint as an gcáin chorparáideach bhreise a tháinig isteach chun an fiachas náisiúnta a laghdú.

D’fhiafraigh an tUasal Barrett den Uasal McCarthy an raibh nó nach raibh cás ann chun cuid den airgead a fuarthas ar iasacht a íoc chun na bainc a tharrtháil.

Tá thart ar €40billiún fós ar Éirinn ón ngéarchéim airgeadais in 2008.

D’fhiafraigh an tUasal Barrett: ‘An bhfuiltear ag smaoineamh ar chuid de na hiasachtaí Troika atá fágtha a íoc go luath mar chuid de straitéis an Chúlchiste Náisiúnta (National Reserve Fund strategy)?’ Tuigtear go bhfuiltear ag smaoineamh ar níos mó ná an €2billiún atá dlite a íoc i Samhain.’

Níl aon léiriú ar an méid a dúirt an tUasal McCarthy mar fhreagra.

Ba é an Troika an grúpa eagraíochtaí idirnáisiúnta – an Ciste Airgeadaíochta Idirnáisiúnta (International Monetary Fund, IMF), an Banc Ceannais Eorpach agus an Coimisiún Eorpach – a reáchtáil clár le haghaidh an tír seo nuair a bhí an ghéarchéim eacnamaíochta ann deich mbliana ó shin.

Ar an iomlán, tugadh €67.5billiún ar iasacht d’Éirinn ag an am, atá laghdaithe go dtí €40.9billiún anois atá mar chuid den fhiach iomlán.

Ina ainneoin sin dúirt an tUasal Varadkar: ‘Níl sé cothrom go bhfuil an meánráta cánach ioncaim le hioc ag oibrithe lánaimseartha ar an meán.

  ‘Agus níl sé cothrom go nglanann an córas cánach aon ardú pá a fhaigheann siad, nó ragobair a oibríodh.’

Dúirt sé freisin gur cheart go n-ardódh an Buiséad an pointe ag a n-íocann duine an ráta cánach ioncaim is airde.

Dúirt sé gur cheart go rachadh sé chun sochair do gach íocóir cánach ioncaim chun cothrom na féinne a chinntiú.

Mar sin féin, dá ghearradh cánach mar sin tá sé Cinnte go bhfaigheadh daoine an-saibhir i bhfad níos mó airgid ná aon duine eile.

Comhroinn Anois

You might also like ...

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram