Tá Aldi agus Lidle anois sa chogadh praghsanna grósaeireachta (grocery price war) a thosaigh Tesco nuair a d’fhógair siad go raibh na praghsanna ar 700 táirge gearrtha acu.
Dea-scéal é seo do shiopadóirí a bhí ag streachailt le leibhéil ollmhóra boilscithe (inflation) san earnáil grósaeireachta ó thosaigh an cogadh san Úcráin.
Sna trí mhí go dtí mí na Bealtaine, bhí boilsciú grósaeireachta ag 16.5%, de réir mhonatóra margaidh Kantar.
Chuir an tAire Airgeadais Michael McGrath fáilte roimh na ciorruithe praghais (price cuts) – ach tá níos mó trédhearcachta (transparency) iarrtha ag saineolaithe tomhaltóirí.
Agus nuair a d’iarr an Irish Daily Mail ar Tesco liosta de na 700 laghdú praghais a sholáthair, dúirt an comhlacht ollmhargadh Briotanach nach bhféadfadh siad é sin a sholáthar mar go raibh sé ‘commercially sensitive’.
Dúirt urlabhraí go bhfuil na laghduithe ar tháirgí (products) tí agus gur táirgí de chuid ‘Tesco ownbrand’ iad trian acu.
Mhaígh Aldi agus Lidl go raibh siad níos saoire fós fiú tar éis laghduithe praghais Tesco.
Rinne an Irish Daily Mail anailís praghais chun a fháil amach cé mhéid a chosnódh sé 10 bpríomh-tháirge a cheannach ó na cúig phríomh-ollmhargadh. Bhí an luach is fearr le fáil i Lidl (€18.60), agus Aldi go han-ghar (€18.68) ina dhiaidh sin. Chríochnaigh Dunnes (€19.56), Tesco (€20.94) agus SuperValu (€22.79) na cúig cinn is fearr san ord sin.
Analís a rinne an Irish Daily Mail
Dúirt Niall O’Connor, stiúrthóir bainistíochta grúpa Aldi Ireland: ‘Tá ár gcuid praghsanna níos ísle cheana féin ar tháirgí inchomparáide.
‘Tá a fhios againn go ndéanann miondíoltóirí (retailers) eile iarracht an méid a dhéanaimid a mheaitseáil ach ní féidir leo.’
Dúirt urlabhraí do Lidl: ‘Déanaimid seiceálacha praghais seachtainiúla agus táimid muiníneach go mbeidh muid i bhfad níos saoire fós ná miondíoltóirí eile.’
Dúirt Michael Kilcoyne ó Chomhlachas Tomhaltóirí na hÉireann (Consumers’ Association of Ireland): ‘Ní mór dúinn a fháil amach cé mhéad atá á dhéanamh ag na cuideachtaí seo – cad é an brabús ar na táirgí seo.
‘Ba chóir iad a thabhairt os comhair coiste chun a mhíniú conas is féidir leo praghsanna a laghdú anois agus nach raibh siad in ann é a dhéanamh níos luaithe.
Dúirt an tAire Airgeadais. ‘Is dea-scéala iad na laghduithe seo do thomhaltóirí (consumers). Agus sílim go gcuirfear fáilte mhór rompu.
‘Tá an t-ardú fíor-suntasach i bpraghsanna feicthe ag gach duine le 18 mí nó mar sin anuas, agus mar sin d’fhéadfadh sé seo a bheith ina bhuaicphointe suntasach.’
