Fiafraíodh de Bjorn Ulvaeus agus de Benny Andersson de chuid Abba an mbeadh Abba le chéile ag Comórtas Amhrán an Eurovision in 2024 ina dtír dúchais, an tSualainn (Sweden).
An bhliain seo chugainn beidh comóradh 50 bliain ag an mbanna tar éis an comórtas a bhuachan I 1974 lena n-amhrán Waterloo.
Ag labhairt dó le BBC Newsnight, dhiúltaigh an bheirt leis an smaoineamh go bhféadfadh siad iontráil an náisiúin óstaigh a chumadh.
Dúirt siad freisin nach raibh siad ag teacht le chéile arís don imeacht.
Ó bhuaigh Abba i 1974, tá an tSualainn tar éis Eurovision a bhuachan sé huaire eile, lena n-áirítear i mbliana i Learpholl.
Ciallaíonn sé sin gur bhuaigh siad é an oiread céanna uaireanta agus a bhuaigh Éire.
Dúirt Bjorn agus Benny nach bhfuil siad ag iarraidh dul ar ais le chéile le Agnetha Fältskog agus Anni-Frid Lyngstad, fiú ar feadh oíche amháin.
SCÉAL EILE: Tráth den grá le Gráinne Seoige ar Virgin
Níl siad ar camchuairt arís agus tuairiscítear gur dhúiltigh siad tairiscint $1 billion chun 100 seó a imirt ag tús na Mílaoise.
‘Ní theastaíonn uaim,’ arsa Andersson, ‘agus mura mian liom, ní dhéanfaidh na daoine eile é. Tá sé mar an gcéanna don cheathrar againn – má deir duine éigin, “ní hea” – is ea ní hea an freagra’
SCÉAL EILE: Seó spleodrach na féile Night and Day ag teacht ar TG4
‘Is féidir linn 50 bliain d’Abba a cheiliúradh gan a bheith ar an stáitse,’ a dúirt Ulvaeus.
In agallamh chun céad bliain a gceolchoirm fhíorúil, Abba Voyage, a cheiliúradh, ina bhfuil leaganacha digiteacha na gceathrar ball den bhanna, dúirt Ulvaeus: ‘Ba é an ceangal mothúchánach ag an lucht féachana, sin an rud is tábhachtaí dúinn.
‘Ní raibh a fhios againn go dtí gur thosaigh muid an n-oibreodh sé sin.
‘Tá a n-intleacht ag rá leo nach bhfuilimid ann – ach fós tá siad ceangailte go mothúchánach, is rud iontach é sin.’
Creideann Ulvaeus go n-úsáidfear an teicneolaíocht úrnua atá in úsáid ina seó amach anseo chun avatars a chruthú d’ealaíontóirí marbh nach, rud a chruthaíonn aincheist (dilemma) do léiritheoirí agus lucht féachana araon.
Admhaíonn siad go bhféadfaí mí-úsáid a bhaint as an teicneolaíocht freisin chun ‘fakes’ a chruthú a d’fhéadfadh dífhaisnéis a scaipeadh.
‘Ach is ar éigean atá an locht orainne,’ a deir Andersson.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
