Fuarthas cailín fuadach (abducted) sna Stáit Aontaithe beo agus sláintiúil tar éis di a bheith tógtha óna hathair beagnach sé bliana ó shin.
D’fhuadaigh Heather Unbehaun, máthair Kayla Unbehaun, an cailín ar 4 Iúil, 2017, nuair nach raibh sí ach naoi mbliana d’aois.
Bhí coimeád iomlán ag Ryan Unbehaun, athair Kayla, uirthi ag an am. Ghlaogh sé ar na póilíní nuair a chuaigh sé chun Kayla a phiocadh suas as teach Heather in South Elgin, Illinois.
Eisíodh roinnt teachtaireachtaí poiblí thar na blianta, a léirigh pictiúir de Kayla, lena n-áirítear grianghraif den chuma a d’fhéadfadh a bheith uirthi ag baint úsáide as teicnící aosaithe digiteacha (digital ageing techniques).
Bhí a fuadach le feiceáil freisin mar chuid den tsraith Unsolved Mysteries ar Netflix.
SCÉAL EILE: ‘Níl dóthain gardaí ann’
chun stop a chur le ‘violent racist attacks’
Chabhraigh an clár faisnéise le Kayla a aimsiú, toisc gur aithin siopadóir in Asheville, Carolina Thuaidh, Kayla agus Heather ag ionad siopadóireachta sular ghlaoigh sé ar na póilíní.
Gabhadh Heather ansin, agus tá sí á coinneáil ar bhanna $250,000 fad is atá sí ag fanacht ar eiseachadadh (extradition).
Tá Kayla, atá ina dhéagóir anois, curtha faoi choimeád cosanta.
Tá Heather cúisithe cheana féin as comhaireamh amháin d’fhuadach leanaí ag an Ard-Aighne Stáit i Kate County, ach níl sé deimhnithe an mbeidh cúisimh breise le sárú aici.
‘Tá sé neamhghnách ach is maith an rud é nuair a bhíonn amhras ar dhuine go n-aithníonn siad duine éigin, is cuma cén aois a d’fhéadfadh an scéal a bheith, nach mbíonn eagla orthu glaoch a chur orainn ionas gur féidir linn teacht agus fiosrú a dhéanamh,’ a dúirt Leifteanant Diana Loveland as Roinn na bPóilíní in Asheville le ABC News.
SCÉAL EILE: Máthair Éireannach bás tar
éis titim thar ‘cliff’ i Lanzarote ina bugaí
Dheimhnigh an National Centre for Missing and Exploited Childrenhttps://www.missingkids.org/ go bhfuarthas Kayla sábháilte.
Dúirt Ryan, athair Kayla: ‘Tá lúcháir orm go bhfuil Kayla slán sa bhaile.’
Dúirt sé freisin: ‘Iarraimid príobháideacht agus muid ag cur aithne ar a chéile arís.’
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
