Beidh ócáid chun comóradh 49 bliain ó bhuamáil Bhaile Átha Cliath agus Mhuineacháin (Dublin and Monaghan bombings) ar siúl inniu, Dé Céadaoin.
Tráthnóna an 17 Bealtaine 1974, maraíodh 34 duine lena n-áirítear leanbh sa bhroinn i sraith de bhuamáil ‘gan rabhadh’ a rinne paraimíleataigh dhílseacha (loyalist paramilitaries).
Tá ceisteanna fós ann, áfach, faoi cé a bhí taobh thiar de na buamálacha, le líomhaintí faoi chomhoibriú agus eolas ag fórsaí slándála na Breataine.
Ba é an bás ba mhó a tharla in aon lá amháin le linn na dTrioblóidí.
Gortaíodh beagnach 300 duine eile sna pléascanna.
Beidh searmanas leagan bláthfhleasc (wreath-laying) ar siúl ag cuimhneachán do na híospartaigh ar Shráid Thalbóid, Baile Átha Cliath ag meán lae.
SCÉAL EILE: Tá mé tuirseach
de bheith mar ‘public
property’, a deir Tubridy
Tabharfaidh an Tánaiste Micheál Martin, Ard-Mhéara Bhaile Átha Cliath Caroline Conroy agus Cathaoirleach Chomhairle Contae Mhuineacháin Seán Conlon óráidí tráthnóna inniu.
Is é an t-iriseoir Vincent Browne a thabharfaidh an óráid bhliantúil.
Tá an ócáid chomórtha eagraithe ag Justice for the Forgotten.
Ag labhairt dó roimh an gcuimhneachán, dúirt Margaret Urwin ó Justice for the Forgotten go raibh imní ar an grúpa faoin mBille ‘Legacy’ ag dul trí Westminster.
Dúirt sí go raibh súil aici má thagann an Bille ina dhlí, go dtabharfadh Rialtas na hÉireann dúshlán dó ag leibhéal na hEorpa.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
