Reáchtáil abhcóidí agóid ag na Cúirteanna Breithiúnais Coiriúla (Criminal Courts of Justice) Dé Máirt faoi tháillí agus tá cuid acu ag rá anois gur cheart dóibh dul ar stailc.
Tá siad ag maíomh i gcoinne teip an Rialtais ciorruithe ar tháillí cúnaimh dhlíthiúil choiriúil (criminal legal aid fees) a aisiompú, go háirithe ag leibhéal na Cúirte Dúiche.
Ghlac thart ar 70 abhcóide páirt san agóid.
Gearradh na ciorruithe ar tháillí mar chuid de chiorruithe pá éigeandála na seirbhíse poiblí le linn na cliseadh airgeadais agus tá táillí abhcóidí fágtha acu ag leibhéil 2002.
Cuireann na ciorruithe isteach go háirithe ar abhcóidí a dtugann an Stiúrthóir Ionchúiseamh Poiblí (DPP) treoir dóibh cásanna coiriúla a ionchúiseamh sa Chúirt Dúiche agus ar abhcóidí a íoctar faoi Scéim Chúnamh Dlíthiúil na Roinne Dlí agus Cirt chun daoine cúisithe a chosaint.
Dúirt an t-abhcóide Darren Lalor, duine de na heagraithe agóide, go n-íoctar €25.20 le habhcóidí atá ag cleachtadh i gcásanna coiriúla sa Chúirt Dúiche as éisteacht athchuir, €50.40 as pléadáil mhaolaithe (mitigation) ag éisteacht pianbhreithe agus €67.50 le haghaidh éisteacht trialach iomlán.
‘Ní féidir linn maireachtáil ar na táillí seo, i ndáiríre is ceartas saor é,’ a dúirt sé leis an Irish Times.
‘Cosnaíonn an chulaith (suit) atá á caitheamh agam inniu díreach os cionn €26 le glanadh le caitheamh sa chúirt ar €25.20. Gá mba ghnó againn, bheimis dúnta i bhfad ó shin.
‘Tá an-imní orm faoi dhaoine a fhágann an ghairm ach is mó imní dom nach bhfuil daoine ag teacht isteach sa ghairm, nach bhfuil daoine in ann leanúint ar aghaidh a thuilleadh.
‘Tá Stát againn atá tar éis a chúl a chur ar mhaoiniú ceart sa chórais cheartais choiriúil.’
Dúirt sé go bhfuil Barra na hÉireann (Bar Council) i mbun caibidlíochta le seacht mbliana d’fhonn na ciorruithe a aisiompú agus dúirt: ‘An t-aon tactic atá anois ann ná beart iomlán stailce mura ndéantar na ciorruithe a aisiompú, tá sé chomh simplí leis sin.’
Dúirt an t-abhcóide Luigi Rea, duine eile de lucht eagraithe na agóide: ‘Tá súil agam go bhfuil tacaíocht ann do stailc, ní faoin ngairm amháin atá sé, bíonn íospartaigh na coireachta agus daoine atá cúisithe go héagórach ag brath ar an méid a íocann an Stát chun tacú le córas cúnaimh an dlí.
‘Tá sé dochreidte. Cé atá in ann dul isteach i siopa ag íoc praghsanna 2023 le pá 2002? Sin é atá i gceist i ndáiríre.’
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
