Tá Mayo Joe Biden chun seasamh d’uachtaránacht Mheiriceá arís, a dúirt sé i bhfíseán cumhachtach ag cáineadh Donald Trump agus gluaiseacht MAGA.
Bhuaigh an tUachtarán Joe Biden in aghaidh Donald Trump i 2020, agus tá sé réidh chun é a dhéanamh arís i 2024, cé go maíonn an fear caillte gurbh é féin an buaiteoir.
Ní chuireann Biden smacht ar a smaointe san fhíseán a d’eisigh sé chun a iarrthóireacht a fhógairt.
Léiríonn an físeán na círéibeacha ag foirgneamh Capitol i Washington, ar an 6 Eanáir, 2021, a thosaigh tar éis óráid ó Trump, agus dúirt Biden gurb é an troid ar son an daonlathais obair a chéad téarma mar Uachtarán – ach go bhfuil obair fós le déanamh.
Toisc gurb é Biden an t-iarrthóir is mó a bhfuil tacaíocht aige don Pháirtí Daonlathach agus gur cosúil go bhfuil Trump i gceannas ar na Poblachtánaigh, is cosúil go dtabharfaidh an bheirt fhear aghaidh ar a chéile arís – cé nach bhfuil ceachtar acu roghnaithe ag a bpáirtí fós.
‘Tá saoirse phearsanta bunúsach, maidir le cé muid féin mar Meiriceánaigh,’ a deir an tUachtarán Biden ina fhíseán feachtais, ag cur i gcuimhne do vótálaithe iarrachtaí coimeádaithe srian a chur ar chearta na mban, ar shaoirse do bhaill an phobail LGBTQ agus cinneadh a dhéanamh ar cad is féidir agus nach féidir le scoileanna a mhúineadh.
Dúirt sé: ‘Sin obair mo chéad téarma – an troid ar son ár ndaonlathais, chun ár gcearta a chosaint, chun a chinntiú go gcaitear go cothrom le gach duine sa tír seo agus go dtugtar cothrom na féinne do gach éinne.
LÉIGH NÍOS MÓ, CLIC ANSEO
Léiríonn Teachtaí Dála tuaithe tacaíocht le haghaidh páirtí na bhfeirmeoirí
‘Ar fud na tíre, tá antoiscigh (extremists) MAGA ag iarraidh deireadh a chur leis na saoirsí bunúsacha sin; ag iarraidh slándáil shóisialta, a d’íoc sibh ar feadh bhur saolta, a ghearradh – agus cánacha a ísliú do na daoine saibhir.’
Anuas ar sin, dúirt Biden go bhfuil antoiscigh ag cur srian leis na cinntí cúraim sláinte is féidir le mná a dhéanamh, go bhfuil siad ag iarraidh cosc a chur ar leabhair agus insint do dhaoine cé hiad na daoine eile ar féidir leo titim i ngrá leis.
Ag an am céanna bíonn siad ‘á dhéanamh níos deacra duit a bheith in ann vótáil’, a dúirt Biden.
De réir mar a léirigh an físeán íomhánna láidre, a thaispeánann cé chomh diongbháilte atá sochaí Mheiriceá faoi láthair, dúirt Biden: ‘Nuair a sheas mé mar iarrthóir ceithre bliana ó shin, dúirt mé go raibh muid i gcath ar son anam Mheiriceá.
LÉIGH NÍOS MÓ, CLIC ANSEO
Comhlachtaí fuinnimh ag cur billí chuig custaiméirí
fiú má tá a gcuntais sochar le na céadta euro sa bhreis
‘Agus táimid fós. Is í an cheist atá romhainn ná an mbeidh níos mó saoirse nó níos lú saoirse againn sna blianta amach romhainn. Níos mó cearta nó níos lú. Tá a fhios agam cad ba mhaith liom an bheith mar freagra ar sin, agus sílim go bhfuil sibhse mar an gcéanna.’
Cé gur dócha go mbeidh Trump ina aghaidh, táthar ag súil freisin go bhfógróidh gobharnóir Florida Ron DeSantis go mbeidh sé mar iarrthóir freisin.
Táthar ag súil go dtiocfaidh borradh mór faoi fheachtas an Uachtaráin Biden, nuair a thosaíonn sé, as a chuairt stáit ar Éirinn níos luaithe an mhí seo, a raibh an-tóir air ag na sluaite ag bailiú le chéile sa bháisteach ar feadh uaireanta chun é a fheiceáil.
Tháinig sé chun síocháin Chomhaontú Aoine an Chéasta a cheiliúradh agus teacht ar eolas ar a oidhreacht féin. Thug sé cuairt ar Bhéal Feirste, Baile Átha Cliath, Lú agus Maigh Eo.
LÉIGH NÍOS MÓ, CLIC ANSEO
Ba cheart go mbeadh tástáil drugaí ‘mandatory’ ar na gardaí, a deir Fianna Fáil
Bhí ráflaí ann go bhfógródh sé a thairiscint atoghadh i mBéal an Átha tar éis a óráid cháiliúil nuair a ghlaoigh sé amach ‘Mayo for Sam’, ach níor tharla sé sin.
Táthar ag súil go dtabharfaidh Trump cuairt ar Co. an Chláir sna seachtainí atá romhainn chun fanacht ina óstán féin sa Dún Beag, agus, mar iar-Uachtarán SAM, tá sé i dteideal cosaint an Gharda Síochána.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
