Tá an fhíorchúis nach bhfuil Maura Higgins gar do cheann dá cairde is fearr ar Love Island ar eolas anois.
Bhí dlúthchairde ag Maura leis an surfálaí (surfer) Lucie Donlan tar éis dóibh bualadh le chéile ar an chlár ITV2 breis is trí bliana ó shin, in 2019.
Chuaigh siad ar saoire le chéile, lena n-áirítear ceann i 2021 chuig na Oileáin Mhaildíve lena gcara Laura Stanford, chun 31ú breithlá Maura a chomóradh.
Is cosúil, áfach, gur thosaigh fadhbanna lena gcairdeas le linn saoire a bhí ag Maura, as Longfort, le Lucie.
Tá Lucie gafa le Luke Mabbott, a bhí ar Love Island freisin.
Tháinig ráflaí faoi fhadhbanna idir na cairde chun cinn i mí Dheireadh Fómhair nuair a stop Maura ag leanúint Lucie, 24, ach fós leanann Lucie Maura fós ar Instagram.
Dúirt foinse leis an Sun: ‘D’imigh Lucie agus Maura amach óna chéile. Bhí an craic acu nuair a bhí siad singil agus ag dul ar saoire le chéile. Ach tá Lucie ag socrú síos i gCornwall na Breataine lena fiancé agus tá Maura ina cónaí i Londain.
‘Nuair a stop Maura ag leanúint Lucie, áfach, chuir sé sin isteach uirthi.
‘Is léir nach raibh siad chomh gar agus a cheap Lucie go raibh siad, mar bhí sé beagáinín crua, agus chuir sé deireadh leis an gcairdeas ar nóta géar.’
Tar éis a gcuid ama sa Villa, d’fhan Lucie agus Maura mar chairde agus fiú ghlac siad páirt i bailiúchán grianghraf culaithe snámha (swimsuits) Ann Summers le chéile.
Dúirt Lucie roimhe seo in agallamh faoina gcairdeas: ‘Thóg sé tamall muinín a bheith agam as Maura ach anois is í mo chara is fearr sa Villa í. Thacaigh sí go mór liom trí gach rud.’
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
