Tá ómós tugtha don ghiotár le The Script, Mark Sheehan, atá básaithe in aois a 46.

Fuair Mark, arbh as ceantar na Liberties i mBaile Átha Cliath dó, bás san ospidéal ‘tar éis tinneas gairid (short illness)’.

Scríobh Laura Whitmore ar Instagram: ‘Ag smaoineamh oraibh go léir ag an am seo. Bhí Mark ar dhuine de na fir is deise agus ba chumasaí a d’fhéadfá bualadh leo.’

Agus ar Instagram freisin, dúirt Jedward: ‘Tá gach duine i dtionscal an cheoil in Éirinn agus ar fud an domhain ag caoineadh tar éis caillteanais, RIP Mark, a leithéid de cheoltóir cumasach ó The Script, ceann de na grúpaí Éireannacha is íocónach dár glúin.’

Scríobh amhránaí na Coronas Danny O’Reilly: ‘Shocked and saddened. Bhí Mark i gcónaí chomh álainn agus spreagúil dúinn. Tá ár smaointe leis an teaghlach Script ar fad. RIP.’

Dúirt Kodaline ar Twitter: ‘Is oth liom bás Mark Sheehan a chloisteáil.

‘Bhí sé d’ádh orainn am a chaitheamh ina chuideachta thar na blianta agus bhí sé i gcónaí ina fhear álainn. Comhbhrón ó chroí lena chlann agus lena dheartháireacha @thescript.’

I ráiteas ar na meáin shóisialta, dúirt an Script: ‘Bhásaigh fear céile, athair, deartháir, comhghleacaí banna agus cara Mark Sheehan san ospidéal inniu tar éis tinneas gairid.

‘Iarrann an teaghlach agus an grúpa ar lucht leanúna meas a léiriú ar a bpríobháideacht ag an am tragóideach seo.’

Bunaíodh The Script i mBaile Átha Cliath i 2001 agus tá os cionn 20 milliún albam díolta acu.

Bhí ‘hits’ mór acu le leithéidí The Man Who Can’t Be Moved, For The First Time, We Cry agus Hall of Fame.

Triúr clainne a bhí ag Mark Sheehan agus chaith sé an chuid is mó dá chuid ama i Meiriceá lena bhean chéile Rina, a phós sé nuair a bhí sé 25.

Bhí a gcéad leanbh ag an lánúin, mac Cameron, 18 bliain ó shin, agus tá beirt leanaí óga eile acu, Avery agus Lil.

Bhí Mark Sheehan agus fear tosaigh The Script Danny O’Donoghue ina gcairde ó bhí siad ina ndéagóirí agus chuir siad tús lena ngairmeacha ceoil sa ghrúpa pop sna 1990idí, My Town.

Tar éis don bhanna dul i léig, chuaigh an bheirt acu go Los Angeles chun léiriúchán, taifeadadh agus conas a oibríonn tionscal an cheoil a fhoghlaim.

Bhí a gcomhghleacaí ó Bhaile Átha Cliath Glen Power in éineacht leo ar na drumaí nuair a bhunaigh siad The Script in 2001. Bhog an banna go Londain, ag seoladh a gcéad albam gan ainm in 2008 ar Sony Records.