Níor dúradh le hAirí go raibh 7,000 fógra faoi dhíshealbhú ag feitheamh sular cuireadh deireadh leis an gcosc, a dúirt an Taoiseach.
Dúirt Leo Varadkar nár tugadh na figiúirí don Chomh-Aireacht cé gur cuireadh an anailís chuig oifig an Aire Tithíochta Darragh O’Brtien.
Ach dúirt an tUasal Varadkar freisin nach mbeadh tionchar aige ar a gcinneadh deireadh a chur leis an gcosc dá mbeadh a fhios acu
Tagann a chuid tuairimí tar éis don Rialtas a bheith cáinte faoi na figiúirí.
Dúirt TDanna an fhreasúra gur cuireadh na figiúirí ón mBord um Thionóntachtaí Cónaithe (Residential Tenancies Board, RTB) chuig an Roinn Tithíochta, agus nach bhfuil sé ‘inchreidte’ (credible) nach bhfaca an tAire Tithíochta iad, nó nár cuireadh faoi bhráid na Comh-Aireachta é.
Sheol an RTB an anailís shealadach ar an 7 Feabhra chuig oifigigh na Roinne Tithíochta – ach níor cuireadh an fhaisnéis ar fáil d’fhochoiste Comh-Aireachta beagnach mí ina dhiaidh sin, ar an 2 Márta.
Dúirt an tAire Tithíochta Darragh O’Brien le tuairisceoirí laethanta ina dhiaidh sin, an 7 Márta, nach raibh a fhios aige cé mhéad duine a bheidh le díshealbhú sna míonna amach romhainn.
Dúirt urlabhraí don Uasal O’Brien: ‘Níl sé neamhchoitianta don RTB sonraí tosaigh a roinnt ar leibhéal oifigiúil atá faoi réir anailíse, agus fíoraithe breise a dhéanamh ansin.
NÍOS MÓ NUACHT CLIC ANSEO:
Women of Honour ag cailleadh muiníne san Aire Cosanta Micheál Martin
‘Ní bheadh na sonraí seo roinnte leis an Aire.’
Dhiúltaigh an tAire agus a Roinn ceisteanna a fhreagairt ón Irish Daily Mail maidir le cén fáth nár sholáthair a oifigeach an t-eolas dó, nó an ndearna sé iarracht é a fháil.
Léiríonn sonraí oifigiúla a d’fhoilsigh an RTB ar Dé Luain go bhfuil beagnach 7,000 fógra réidh anois le haghaidh na trí mhí atá romhainn, mar thoradh ar fhógraí a comhdaíodh (filed) sna sé mhí dheireanacha de 2022.
Dúirt urlabhraí tithíochta Shinn Féin Eoin Ó Broin go raibh éileamh an Rialtais nach raibh rochtain aige ar na sonraí ‘díreach inchreidte’.
Dúirt ceannaire an Lucht Oibre Ivana Bacik go gcaithfidh daoine atá ag tabhairt aghaidh ar dhíshealbhú soiléireacht iomlán a bheith acu ar an bhfianaise a úsáideann an Rialtas chun an cinneadh sin a dhéanamh.
Dúirt sí: ‘Is cosúil go ndearna an Rialtas an cinneadh polaitiúil chun an cosc ar dhíshealbhú a baint amach gan aon bhonn fianaise.
‘Tá ceisteanna anois i dtaobh ar cuireadh brú polaitiúil ar an RTB moill a chur ar scaoileadh figiúirí “Q4” ó 2022 ar fhógraí scoir a fhaigheann cíosóirí (renters).
‘Dá mbeadh an t-eolas seo eisithe go poiblí an tseachtain seo caite, mar a bhíothas ag súil leis, níl aon amhras ach go n-athródh sé ton díospóireachtaí Oireachtais ar an gcosc ar dhíshealbhú.’
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
