Tá glacadh ag oifigigh mar chuid den na Gardaí nach bhfuil siad chun dul ar stailc roimh chuairt uachtarán na Stát Aontaithe Joe Biden an tseachtain seo chugainn.

Ach dúirt siad freisin nach bhfuil siad chun beart a dhéanamh gan dul ar stailc amach anseo, fiú má tá cuairt daoine mór le rá ar siúl.

Tá an t-aighneas faoi athruithe ar uainchláir (rosters). Mháirseáil timpeall 200 ball chuig Ceanncheathrú an Gharda Síochána i bPáirc an Fhionnuisce (Phoenix Park) mar agóid an mhí seo caite. Ach níor tháinig aon athrú ó shin.

Thug Cumann Sáirsintí agus Cigirí an Gharda Síochána (Association of Garda Sergeants and Inspectors, AGSI) foláireamh roimhe seo go bhfuil gníomhaíocht thionsclaíoch ‘go hiomlán’ indéanta mura dtiocfar ar réiteach.

Chruthódh stailc le linn chuairte daoine mór le rá fadhbanna ollmhóra, toisc go bhfuil gá le móroibríocht slándála.

Ag oscailt chomhdháil an AGSI i mBóthar na Trá (Salthill), Gaillimh, an tseachtain seo, dúirt rúnaí ginearálta an cheardchumainn, Antoinette Cunningham, nach bhféadfadh sí aon rud a chur as an áireamh.

Dúirt sí: ‘Beidh muid ag plé an sháinn (impasse) atá ann faoi láthair. Níl ach bealach amháin chun é a réiteach agus is é sin trí idirphlé ionas gur féidir linn an díospóid seo a réiteach.’

Maidir leis an bhféidearthacht go gcuirfí isteach ar chuairt an Uasail Biden an tseachtain seo chugainn, dúirt Ms Cunningham: ‘Ag an tráth seo ní féidir liom a bheith cinnte dár mbaill faoi rud ar bith.

‘Níor labhair mé leis na toscairí (delegates), tiocfaidh an mandáid (mandate) ón an urlár. Tá gach rud ag an bpointe seo i lámha na dtoscairí, ‘ a dúirt sí ar Dé Luain.

Ach ar Dé Máirt dúirt sí go comhoibreoidh Gardaí ‘faoi agóid’ le linn chuairt an Uasail Biden.

Dúirt sí go bhfuil sé tugtha le fios ag baill aonair go bhfuil siad ag tarraingt siar a gcuid saothair ar lá áirithe mura dtiocfar ar réiteach agus go bhfuil an t-aighneas ag dul i méid i gcónaí.

Níl cead ag Gardaí dul ar stailc, ach i 1998 ghlaoigh thart ar 5,000 ball den fhórsa isteach tinn lá amháin ar tugadh an ‘fliú gorm’ (blue flu) air.

Tá ceithre Lá Gníomhaíochta agóide beartaithe freisin chun leanúint ar aghaidh ag tabhairt aird ar imní sláinte, sábháilteachta agus leasa maidir le saincheist uainchláir an Gharda Síochána.

Bhí na huainchláir chonspóideacha á bplé ag an AGSI, chomh maith le saincheisteanna eile, amhail acmhainní agus pá agus coinníollacha ag an chomhdháil.

Tá an t-aighneas uainchláir curtha faoi bhráid an Choimisiúin um Chaidreamh san Áit Oibre (Workplace Relations Commission) ag Coimisinéir an Gharda Síochána, Drew Harris, ach tá sé ráite ag an AGSI go bhfuil sé seo ‘roimh am’ agus d’iarr sé go ndéanfaí tuilleadh caibidlíochta áitiúla.