Tá na Coimisinéirí Ioncaim (Revenue Commissioners) cáinte as an Sheriff a chur isteach i 2,000 cás, chun fiacha (debt) níos lú ná €1,000 a bhailiú.
Bhí siad seo i measc 30,419 fiacha a chuir siad faoi bhráid Sheriff in 2022, de réir tuarascála san Irish Mail on Sunday.
Déanann na Coimisinéirí Ioncaim Revenue Commissioners Sheriff a imscaradh (deployed) chun cánacha atá dlite don Stát a bhailiú, tar éis neamhaird a dhéanamh d’éilimh ar íoc.
Áitíonn an tAire Airgeadais Michael McGrath, áfach, nach cuirtear an Sheriff isteach, ach amháin chun drochfhiacha a bhailiú ‘mar an rogha dheireanach’.
Léiríonn na figiúirí atá ar fáil don bhliain seo go dtí seo, áfach, ardú géar ar líon na mbarántas (warrants) atá eisithe ag na Coimisinéirí Ioncaim.
I mí Eanáir, glaodh an Sheriff isteach chun 2,501 cás a bhailiú. Astu seo, bhain 210 le fiacha a raibh luach níos lú ná €1,000 orthu.
Dheimhnigh an tAire McGrath na figiúirí do Rose Conway-Walsh, TD de chuid Shinn Féin.
D’iarr Ms Conway-Walsh ar na Coimisinéirí Ioncaim níos mó solúbthachta (flexibility) a thaispeáint to daoine faoi strus.
Dúirt an TD Mhaigh Eo leis an Mail on Sunday: ‘Tá jab le déanamh ag na Coimisinéirí Ioncaim, caithfear cánacha a bhailiú.
‘É sin ráite, ní mór cothromaíocht a bheith ann. Tá paindéim fágtha againn agus tá muid buailte le boilsciú (inflation) arna thiomáint ag praghsanna arda fuinnimh.
‘Ní féidir dul sa tóir ar ghnólachtaí beaga ar shuimeanna an-bheaga airgid agus iad i mbun an phróisis agus ag iarraidh a gcuid oibleagáidí a chomhlíonadh.
‘Ní mór do mhodhanna na Coimisinéirí Ioncaim a bheith comhréireach leis na suimeanna atá dlite agus le méid an chomhlacht atá i gceist.
‘Uaireanta ní bhíonn de dhíth ar ghnóthais bheaga ach beagán ama agus solúbthachta go háirithe sna cúinsí reatha.’
Agus le costais arda fuinnimh agus maireachtála, is ábhar imní do Theachtaí Dála an Rialtais fiú modhanna ionsaitheacha na gCoimisinéirí Ioncaim.
Dúirt TD amháin de chuid an Rialtais: ‘Is ábhar imní é an méadú – is ábhar an-ionsaitheach é ag na Coimisinéirí Ioncaim.
‘Is cosúil go mór le casúr a úsáid chun cnó a bhriseadh má chuirtear figiúirí faoi bhun €1,000 amach do Sheriff.’
Dúirt an tAire: ‘Sula nglacfar a leithéid de ghníomh, déanann na Coimisinéirí Ioncaim gach iarracht dul i dteagmháil leis an gcáiníocóir chun an scéal a réiteach.
‘Is í an teachtaireacht thábhachtach do cháiníocóirí a fhaigheann éilimh deiridh ná dul i dteagmháil leis na Coimisinéirí Ioncaim a luaithe agus is féidir, ionas gur féidir teacht ar réiteach atá inghlactha go frithpháirteach.’
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
