Tá sé fógartha go hoifigiúil ag Leo Varadkar den chéad uair gur tiarna talún é. Tagann sé seo nuair a shocraigh an Taoiseach agus airí sinsearacha eile de chuid na Comh-Aireachta deireadh a chur ar an cosc ar dhíshealbhú (evictions), agus gur phléigh siad sosanna cánach do thiarnaí talún.
Deir na hairí go gcaithfidh siad na sosanna cánach a thabhairt isteach le stop a chur le tiarnaí talún beaga an margadh a fhágáil.
Bhog an tUasal Varadkar amach as a theach i gCaisleán Cnucha (Castleknock), ina thoghcheantar Bhaile Átha Cliath Thiar, agus isteach i dteach a cheannaigh a chomhpháirtí fadtéarmach Matt Barrett i mBaile Átha Cliath 8, i samhradh na bliana 2021.
Agus sa Chlár Leasa forlíontach is déanaí do chomhaltaí an Oireachtais, tá ‘léasóir’ liostaithe ag ceannaire Fhine Gael mar shlí bheatha eile.
Fógraíodh a árasán dhá sheomra leapa i mBaile Átha Cliath 15 ar an margadh cheana ar €1,600 in aghaidh na míosa.
Cheannaigh an tUasal Varadkar a theach in 2004 le morgáiste 40 bliain. Deirtear i ndearbhú an Oireachtais gur ‘seo an t-aon mhaoin go bhfuil mé ina úinéir nó pháirt-úinéir air’.
An mhí seo caite dúirt an Taoiseach go gcreideann sé gur ‘dea-smaoineamh’ é feabhas a chur ar chóireáil chánach na dtiarnaí talún agus go gcreideann sé go bhfuil ‘demonisation’ déanta ar thiarnaí talún.
Dúirt sé freisin: ‘Caithfidh go leor daoine cíos a fháil ar go leor cúiseanna éagsúla, agus ar an gcúis sin tá tiarnaí talún de dhíth orainn.’
Dúirt an tUasal Varadkar freisin go gceapann sé go mbeadh sé úsáideach, go háirithe do thiarnaí talún beaga, iad a spreagadh chun fanacht sa mhargadh agus teacht isteach sa mhargadh.
Mar sin féin, dúirt sé nach dócha go mbeidh beart cánach mór lasmuigh den bhuiséad.
Dúirt an tUasal Varadkar: ‘Chosnódh aon rud a bhfuil brí leis méid suntasach airgid agus sílim go mbeadh sé mí-chlúiteach é sin a dhéanamh lasmuigh de chomhthéacs an bhuiséid. Ach níl an buiséad chomh fada sin uainn, agus b’fhéidir gur féidir linn an machnamh sin a dhéanamh.’
Níor fhreagair urlabhraí an Taoisigh nuair a fiafraíodh de an raibh tionchar ag smaoineamh an Uasail Varadkar mar tiarna talún ar an gcosc ar dhíshealbhú nó ar thacaíochtaí a leathnú chuig tiarnaí talún.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
