Tá pictiúr den amhránaí Sinéad O’Connor nocht i measc dosaen saothar ealaíne a bheidh ar ceant (auction) Dé Luain.
Bhí sé coimisiúnaithe ag club oíche i mBaile Átha Cliath ach sa deireadh bhí sé ceannaithe ag an amhránaí féin faoi bhrú a chéile ag an am.
Phéinteáil Jim Fitzpatrick Strange Days sa bhliain 2003, agus rinneadh é a choimisiúnú le haghaidh club oíche iomráiteach an Tíogair Cheiltigh, Lillie’s Bordello.
Dúirt Peter Whyte ó Whyte’s Auctioneer gur cheannaigh an t-amhránaí an phictiúr ar áitiú a fear céile ag an am, an iriseoir Briotánach Nick Sommerlad.
Dúirt an tUasal Whyte: ‘Níor thaitin an smaoineamh leis go raibh íomhá dá bhean nocht ar taispeáint i gclub oíche.’
Bhí O’Connor pósta ag an am leis an iriseoir, cé gur theip ar an bpósadh in 2004.
Deirtear go bhfuil an phictiúr, a bhfuiltear ag súil le díol ar praghas idir €20,000 agus €30,000, ag tagairt do Reclining Nude a rinne Roderic O’Conor go luath sa 20ú haois, atá in ómós do Rokeby Véineas le Velázquez, ón 17ú haois.
‘Léiríonn an radharc tríd an bhfuinneog ceantar an Pigeon House i mBaile Átha Cliath, ceantar a bhfuil tábhacht ar leith ag baint leis do O’Connor,’ a dúirt an tUasal Whyte. ‘Bhí sí ina cónaí in aice láimhe ag an am agus bhí sé ann ar iarratas uaithi.’
Péintéir agus dearthóir grafach a rugadh i mBaile Átha Cliath is é an tUasal Fitzpatrick, a dhéanann an-chuid obair faoi mhiotaseolaíocht Cheilteach na hÉireann.
Le 40 bliain anuas, tá aithne ag go leor ar a shaothar i bhfoirm póstaer, clúdaigh leabhar agus clúdaigh albam.
Is cara é le Ms O’Connor le fada an lá agus dhear sé clúdach a halbaim, Faith and Courage, a eisíodh i Meitheamh 2000.
Tá go leor leabhar scríofa agus maisithe (illustrated) ag an Uasal Fitzpatrick agus dhear sé fuinneog dhaite gloine d’iar-Chaifé Bewley’s i Sráid Mhuire, Baile Átha Cliath.
Chruthaigh sé freisin an grafach cáiliúil de ghrianghraf Alberto Korda de Che Guevara, atá ina shiombail atá aitheanta go domhanda.
Beidh 139 luchtóga (lots) d’ealaín na hÉireann agus idirnáisiúnta ar díol ag Halla na Saoirse, Sráid Theach Laighean, Baile Átha Cliath 2, agus ar líne ag bid.whytes.ie.
I measc na n-earraí eile sa díolachán tá radharc íocónach d’iarthar na hÉireann le Paul Henry, ó na 1940idí, a bhfuiltear ag súil go mbeidh an praghas Idir €100,000 agus €150,000 air.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
