Fuair Raquel Welch bás ag aois 82, dhearbhaigh a teaghlach. Bhí clú agus cáil uirthi mar gheall ar an ‘deerskin bikini’ a chaith sí sa scannán One Million Years BC, in 1966. Mar sin féin bhuaigh sí Golden Globe as a cuid scileanna aisteoireachta grinn.
Fuair an t-aisteoir Hollywood bás tar éis breoiteachta gairid go luath Dé Céadaoin.
Cé gur léiríodh í mar áilleacht uile-Mheiriceánach, rugadh Raquel leis an ainm Jo-Raquel Tejada i Chicago i 1940, d’athair Bolaive agus máthair Mheiriceánach.
Ach d’éirigh léi mar ‘sex symbol’ mór le rá faoina hainm nua sa 1960idí.
Tháinig sí os comhair an pobal ar dtús ina róil tosaigh in One Million Years BC agus ansin sa scannán Fantastic Voyage.
Mhair a gairm bheatha breis agus 50 bliain agus í ina réalta i mbreis agus 30 scannán agus 50 sraith teilifíse. Ba buaiteoir an Golden Globe í freisin.
Fágann Welch a beirt pháistí, a mac Damon Welch agus a iníon, Tahnee Welch.
In ainneoin nach raibh aice ach cúpla líne mar Loana sa scannán One Million Years BC, tharraing Welch aird an lucht féachana tar éis dó a ‘deerskin bikini’ cáiliúil a chaitheamh.
Tar éis a rathúlachta, chuaigh Welch ar aghaidh agus bhí sí i roinnt scannán eile le linn na 1960idí agus 1970idí.
I 1974, bhuaigh Welch an duais Golden Globe don aisteoir is fearr i gceol nó greann as a ról mar Constance de Bonacieux in The Three Musketeers.
Níos déanaí ainmníodh í don dara huair as a cuid feidhmíochta sa scannán 1987 Right To Die.
Sa bhliain 2002, dúirt sí leis an New York Times go raibh sí bródúil as a hoidhreacht Laidineach.
‘Tá áthas orm é a admháil agus tá sé thar téarma go ndearna mé é sin, agus tá fáilte mhór roimh,’ a dúirt sí. ‘Bhí cineál áit folamh anseo i mo chroí agus freisin i mo chuid oibre le fada an lá,’ a dúirt sí.
Tá réalta ag Welch ar an Hollywood Walk of Fame, a bronnadh uirthi i 1996.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
