Tá Enoch Burke ar ais ar scoil, don dara lá, ach á choinneáil i ‘corridor’ gan teagmháil aige le daltaí.
Tá sé curtha in iúl do thuismitheoirí daltaí i Wilson’s Hospital School go bhfuil na ranganna ag leanúint ar aghaidh mar is gnách in ainneoin go bhfuil an múinteoir Burke i láthair gan cead.
Chuaigh sé chuig an scoil ar maidin don dara lá as a chéile, in aghaidh a fhionraí agus ordú cúirte. D’oscail an scoil i gCo na hIarmhí tar éis shos na Nollag.
Tuigtear, áfach, nach bhfuil aon teagmháil aige le daltaí agus go bhfuil sé teoranta do phasáiste (corridor).
I dteachtaireacht do thuismitheoirí, dúirt an príomhoide Frank Milling go raibh na ranganna ag leanúint ar aghaidh mar is gnách agus go raibh na scoláirí agus an fhoireann i mbun gnáthghníomhaíochtaí.
Dúirt an príomhoide nach raibh cuid bheag de chonair amháin ar fáil le haghaidh rochtana agus go raibh sé ag maoirsiú an scéil.
Ní dhearna an teachtaireacht aon tagairt don fhéidearthacht a bhaineann le caingean dlí breise i gcoinne an Uasail Burke. Bhí sé ag teacht salach ar bhainistíocht na scoile mar gheall ar iarratas go nglaofadh múinteoirí “siad” in ionad “sé” ar leanbh trasinscneach.
huaigh an tUasal Burke go dtí an scoil díreach roimh 8.30rn ar maidin agus bhí sé arís i gcarr a bhí á thiomáint ag a athair Seán.
Chaith sé an chuid is mó den Déardaoin ag an scoil chónaithe i deoise Eaglais na hÉireann, freisin, nuair a shroich sé an scoil timpeall an ama chéanna agus d’imigh sé lena a athair níos déanaí ag 3.45pm.
Dúirt ráiteas ón nGarda Síochána go raibh a fhios acu go raibh duine ag freastal ar scoil, ach nach raibh ról ar bith ag oifigigh ag an am seo ‘mar go dtagraíonn na hábhair seo d’ordú sibhialta’.
Ceaptar go mbeadh ar an scoil imeachtaí nua a thionscnamh san Ard-Chúirt sula bhféadfaidh gardaí idirghabháil a dhéanamh.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
