‘Uafásach don teaghlach’: Bás dalta Ardteiste Aoife Johnston le meningitis tar éis 16 uair ar thralaí in ospidéal

27/12/2022

D’éiligh an Taoiseach go ndéanfaí ‘fiosrúchán críochnúil gasta’ ar bhás cailín sna déaga a fuair meningitis, agus a fágadh ar thralaí in ospidéal ar feadh suas le 16 uair an chloig.

Fágadh an dalta  Ardteiste Aoife Johnston, 16 bliana d’aois, as Co. an Chláir, ag fanacht idir 13 agus 16 uair sa Rannóg Éigeandála a bhí plódaithe in Ospidéal na hOllscoile, Luimneach tar éis di éirigh tinn.

Tuigtear go raibh sí rangaithe mar othar ‘Catagóir a Dó’, rud a chiallaíonn nár measadh a cás a bheith bagrach don bheatha.

Sa deireadh, chonacthas di agus d’ordaigh antaibheathaigh di ach faraor fuair sí bás Dé Luain.

aoife 480x672 1
Aoife Johnston

Rinne an Taoiseach Leo Varadkar a chomhbhrón le teaghlach Aoife agus dhearbhaigh sé go bhfuil athbhreithniú ar an gcóireáil a rinne sí ar bun.

‘Díreach a rá go bhfuil an-bhrón orm cloisteáil faoi,’ a dúirt sé. ‘Tá sé tubaisteach don teaghlach, go háirithe ag an tráth seo den bhliain agus ba mhaith liom mo chomhbhrón a chur in iúl dá teaghlach agus cairde, agus ar ndóigh, le haon duine a raibh aithne acu uirthi.

‘Is é an tuiscint atá agam ná go bhfuil Foireann Bainistíochta Teagmhais Thromchúiseach (Serious Incident Management Team) bunaithe anois agus go mbeidh athbhreithniú á dhéanamh ar an gcóireáil a fuair sí.’

Nuair a fiafraíodh de an raibh a bás ina ‘theip uafásach’ don chóras sláinte, dúirt an tUasal Varadkar go raibh sé tábhachtach ‘gan léim chuig conclúidí’.

I ráiteas, dúirt Grúpa Ospidéal Ollscoil Luimnigh (University of Limerick Hospitals Group): ‘Is féidir le Grúpa Ospidéal UL a dheimhniú go bhfuil Foireann Bhainistíochta Teagmhais Thromchúiseach bunaithe tar éis bás déagóir de bharr meiningítis in Ospidéal na hOllscoile Luimneach [ar an 19 Nollaig] agus go ndéanfar imscrúdú cuimsitheach.

‘Déanann Grúpa Ospidéal UL ár gcomhbhrón ó chroí leis an teaghlach i ndiaidh a gcailliúint thubaisteach.’

Dúirt Damien McCallion, príomhoifigeach oibriúcháin  Feidhmeannacht na Seirbhíse Sláinte (HSE), go raibh an eachtra ‘uafásach’.

Dúirt sé: ‘Is uafásach an rud é tarlúint d’aon teaghlach, go háirithe ag an am seo den bhliain. Tá imscrúdú curtha ar bun láithreach chun an cúram a scrúdú, agus oibreoimid go dlúth leis an teaghlach sa chás sin.

‘Ní cheapfainn go bhfuil sé cuí trácht a thuilleadh,’ a dúirt sé.

Comhroinn Anois

You might also like ...

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram