Is gnách do dhaoine a bheith ‘dreaming of a White Christmas’ …. ach b’fhéidir i mbliana gur ar Lá Fhéile Stiofáin a thiocfaidh an sneachta.
Tá dhá lá sneachta ag teacht, ach seans go dtiocfaidh an sneachta an lá tar éis na Nollag i gcodanna den tír.
Beagnach seachtain tar éis do roinnt scoileanna laethanta saoire na Nollag a thógáil go luath, toisc go raibh an teocht ag n-9C, creideann Met Éireann go bhfuil an sneachta ag teacht anois.
Tiocfaidh an t-aer fuar anuas an tír ó thuaidh, ar Lá Nollag; agus na laethanta ina dhiaidh sin beidh ceathanna sneachta ann.
Tá an chosúlacht ar an scéal go mbeidh an taobh ó thuaidh agus san iarthuaisceart thíos leis na drochchoinníollacha geimhridh. Ach creideann Met Éireann go mbeidh Oíche Nollag agus Lá Nollag measartha éadrom sa chuid is mó den tír.
Beidh Cúige Uladh ar an gceantar is fuaire sa tír sna laethanta amach romhainn, agus moltar dóibh siúd sa tuaisceart agus san iarthuaisceart a chinntiú go mbeidh siad te.
Táthar ag súil le coinníollacha fuara, le ceathanna, ach beidh siad éadrom Oíche Nollag, cé go mbeidh sé beagán níos fuaire ar feadh tamaill thar Chúige Uladh.
Dúirt Deirdre Lowe as Met Éireann: ‘I láthair na huaire, tá cuma ann go mbeidh báisteach ann ar Lá Nollag ach beidh tréimhsí maithe tirime ann freisin, le tréimhsí gréine.’
Dúirt Michelle Dillon nach bhfuil na réamhaisnéisí ag tabhairt le fios go bhfuil Nollaig le sneachta ag teacht, cé gur admhaigh sí go bhfuil ‘beagán éiginnteachta sna mionsonraí’.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
