Tá tuarascáil nua ó Choiste Ceartais an Oireachtais (Oireachtas Justice Committee) ag iarraidh ar an Rialtas saothrú drugaí mar ‘cannabis’ a scrúdú ar leibhéal ‘measartha’ agus ‘neamhbhrabúis’.
Molann an tuarascáil, a foilsíodh inné, go scrúdódh an Rialtas múnla rialála do dhrugaí áirithe, cannabas san áireamh.
Is í seo an chéim is faide fós i dtreo díchoiriúlú (decriminalisation) cannabas in Éirinn.
Molann an tuarascáil freisin go gcuirfí isteach córas tástála drugaí, a thriail den chéad uair ag an bhféile Electric Picnic, ionas gur féidir le daoine íonacht na ndrugaí a thástáil sula n-úsáidtear iad.
Ar an mbealach sin is féidir leo a fháil amach an bhfuil siad contúirteach.
Mhol siad gur cheart don Rialtas breathnú ar shamhlacha díchoiriúlaithe i Málta, i gCeanada agus sna Stáit Aontaithe.
Dúirt Gino Kenny, TD People Before Profit: ‘Tá an bhéim anois go daingean ar an Rialtas bogadh ar aghaidh leis an moladh seo agus Tionól na Saoránach (Citizens’ Assembly) a eagrú maidir le díchoiriúlú drugaí le haghaidh úsáide pearsanta.’
Mhol an coiste freisin go ndéanfaí ‘tuilleadh taighde’ ar na buntáistí agus na míbhuntáistí a bhaineann le ‘clubanna sóisialta’ do drugaí, ar féidir iad a úsáid chun canabais nó substaintí eile a fhás do bhail le haghaidh soláthair pearsanta (personal supply).
Tá na clubanna seo le feiceáil i dtíortha eile le blianta beaga anuas, le clubanna ag eagrú saothrú cannabas do riachtanais phearsanta na mball, seachas ar díol.
Go ginearálta déantar iad a fheidhmiú ar bhonn neamhbhrabúis, agus táthar ag súil go rachaidh aon bhrabúis a ghintear ar ais isteach sa chlub le haghaidh leas na mball.
Chuir trí thír na clubanna seo ar bhonn reachtaíochta: Málta, an Eilvéis agus Uragua.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
