Tá sé ráite ag Ian Bailey gur ionsaíodh beirt fhear é i gCorcaigh, oíche Dé Céadaoin, tar éis dó bualadh le beirt bhan ar chas sé leo ar na meáin shóisialta.
Chuaigh Bailey chuig TikTok chun a rá gur ionsaíodh é agus gur fuair sé ciceáil sa chloigeann cúpla uair, tar éis dó bualadh leis na mná i gceantar Bheanntraí i gCo. Chorcaí.
Tá Bailey, atá 64 bliain d’aois, faoi amhras i ndúnmharú Sophie Toscan du Plantier le breis agus 25 bliain. Tá níos mó ná 3,000 leantóir aige agus 14,000 ‘likes’ aige, ó chuaigh sé ar an ardán meáin shóisialta níos luaithe i mbliana.
Ag labhairt dó le ExtraG.ie, dúirt sé gur ionsaigh beirt fhear é, ní triúr a bhí ann, mar a dúirt sé trí dhearmad ina fhíseán tosaigh.
‘Déanaim rud ar TikTok, déanaim scairteanna (shoutouts) agus tagann daoine chugam ar théacs. Bhí beirt chailíní ag iarraidh bualadh liom [tar éis na scairteanna] aréir. Thiomáin siad síos ó Chorcaigh agus bhuail mé leo in áit phoiblí. Tháinig buachaill amháin aníos chugam, ag ligean air go raibh sé ina lucht leanúna dom.
‘Tá mé beagán míchumasaithe, caithfidh mé bata siúil coll a úsáid, thosaigh sé ag breith ar mo mhaide agus chaith sé díom é. Ansin tháinig ‘Langer’ beag eile suas agus thosaigh sé ag ionsaí orm. Ní raibh mé ar mo gharda cosanta ceart agus leagadh síos mé. Tá mé ceart go leor. Tharla sé taobh amuigh.
‘Tá mé rud beag ‘achey’. Tháinig an fear beag chugam. Tháinig iontas orm, ach thug mé an oiread agus ab fhéidir liom ar ais dó. Dhún mé an doras orthu, chuir mé glaoch ar an nGarda Síochána,’ a dúirt sé.
Tar éis dó an glao a dhéanamh, tháinig Gardaí agus otharcharr agus theastaigh uathu é a thabhairt chuig an ospidéal ach níor imigh sé leo.
‘Dúirt mé “D’imir mé rugbaí, ba ghnách liom a bheith ‘mauled’ ar íochtar na rúcaí”. Tá mé beagán ‘achey’, tá mé ceart go leor.
Dheimhnigh na Gardaí, i ráiteas do ExtraG.ie, go bhfuil fiosrúcháin ar bun acu maidir leis an eachtra líomhnaithe.
Dúirt siad: ‘Tá Gardaí i mbun fiosrúcháin faoin ionsaí líomhnaithe a rinneadh ar fhear i gceantar Bheanntraí i gCo. Chorcaí ag thart ar 11:30pm, 30 Samhain 2022.’
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
