Tugann iar-dhamsóir proifisiúnta Strictly a tuairim ar na láithreoirí nua

Nuair a bheidh Strictly ar ais ar na scáileáin an geimhreadh seo, beidh sé ina sheó an-difriúil, le foireann nua láithreoirí agus damhsóirí gairmiúla

Cuireadh roinnt damhsóirí is ansa leis an lucht leanúna as a bpost in athrú mór ar shraith an BBC, ina measc Karen Hauer, Gorka Marquez agus Nadiya Bychkova.

Cé go bhfuil sí ‘mothúchánach’ go bhfuil a ham ar Strictly tagtha chun deiridh, níl aon drochfhuil ag Nadiya leis an seó agus tá a breithiúnas tugtha aici ar an triúr láithreoir nua.

Tá Nadiya thar a bheith sásta go bhfaigheann damhsóir eile, Johannes Radebe, deis chun lonrú agus dul chun cinn ar Strictly.

‘Is deas Johannes a fheiceáil ag glacadh ról chomh mór sin. Ceapaim go nascann an lucht féachana leis mar go dtugann sé teas, barántúlacht agus áthas,’ a dúirt sí.

Dúirt Nadiya: ‘Le bheith ionraic, ceapaim go bhfuil sé iontach nuair a thugtar deiseanna do dhamhsóirí fás níos faide ná ról amháin. Forbraímid go cruthaitheach uilig.’

Dúirt an damhsóir gairmiúil le Hello Magazine freisin go bhfuil sí ‘go hiomlán’ fonnmhar filleadh ar Strictly dá n-iarrfaí uirthi – cé nach mbeadh an filleadh sin mar dhamhsóir b’fhéidir.

Nocht Nadiya go raibh sí i mbun cainteanna cheana féin faoi theacht ar ais ‘tá súil agam’ taobh thiar de na radhairc agus cabhrú le cuid de na gnáthaimh ghairmiúla a chóiréagrafaíocht.

‘Tá a fhios ag an bhfoireann le blianta cé chomh paiseanta is atá mé faoi rudaí a chruthú agus cóiréagrafaíocht a dhéanamh,’ a dúirt sí.

Deimhníodh láithreoirí nua Strictly i mí na Bealtaine, agus Emma Willis agus Josh Widdicombe ag teacht isteach leis an damhsóir Johannes mar láithreoirí.

Dúirt Johannes, a bhfuil an-tóir air ar an tsraith le fada, ag an am go bhfuil ‘filleadh ar Strictly Come Dancing sa ról nua seo thar aon rud a shamhlaigh mé riamh.’

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil