Bhog an Flotilla Sumud Domhanda isteach i ‘zóin ardriosca’, 280km ó Gaza, áit ar ionsaigh nó ar stop fórsaí Iosrael flotilla roimhe seo.
Agus dúirt na hoibrithe deonacha ar an flotilla – lena n-áirítear go leor as Éirinn – go bhfuil gníomhaíocht dróin ag méadú de réir mar a thagann sé níos gaire do thír dhúchais na Palaistíne.
D’éiligh Tuairisceoir Speisialta na Náisiún Aontaithe, Francesca Albanese, agus Uachtarán na Colóime, Gustavo Petro, go bhfágfaí an flotilla ag dul ar aghaidh gan dochar.
Tá longa ón Spáinn agus ón Iodáil ag seoladh leis chun a chinntiú go dtéann sé go sábháilte trí uiscí idirnáisiúnta, agus tá dróin ón Tuirc os a chionn, in iarracht shoiléir chun aon ionsaí féideartha a mhonatóiriú.
De réir mar a thagann na báid in aice le Gaza, tá físeán beo curtha ar fáil ar mhaithe le sábháilteacht na ndaoine ar bord.
Dúirt Iosrael go stopfadh sé iad, ag maíomh go bhfuil na hoibrithe deonacha ag iarraidh ‘bac cabhlaigh dleathach a bhriseadh’, ach tá an dlí idirnáisiúnta soiléir maidir le cabhair dhaonnúil a cheadú isteach.
Tá neamhaird á léiriú ag Iosrael i gcónaí ar an dlí idirnáisiúnta gan aon smachtbhanna ó chomhlachtaí idirnáisiúnta ná ó thíortha eile.
Tá sé mar aidhm ag an Sumud, ina bhfuil níos mó ná 40 bád sibhialta le breis is 500 duine lena n-áirítear parlaiminteoirí, dlíodóirí agus feachtasóir aeráide na Sualainne Greta Thunberg, bac Iosrael a bhriseadh.
I bpost níos déanaí ar Telegram, dúirt an flotilla gur chuaigh soithí anaithnid (unidentified vessels) i dteagmháil le roinnt dá mbáid, cuid acu ag loingseoireacht gan soilse.
Dúirt sé gur imigh na soithí, agus gur chuir rannpháirtithe prótacail slándála i bhfeidhm ag súil le hidircheapadh féideartha.
Chuir an Iodáil agus an Spáinn longa cabhlaigh amach an tseachtain seo caite chun cabhrú leis an flotilla, tar éis dó a bheith buailte ag dróin armtha le gránáidí stun agus ceimiceáin in uiscí idirnáisiúnta amach ón nGréig, ach gan aon rún acu dul i ngleic go míleata.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
