Foláireamh Oráiste ó Met Éireann do Bhaile Átha Cliath agus na ceantair máguaird

Tá foláireamh Oráiste tugtha ag Met Éireann faoi thuilte agus bóithre contúirteacha i mBaile Átha Cliath agus sna ceantair máguaird

Tá foláireamh Oráiste le báisteach trom i bhfeidhm ag Met Éireann do chontae Bhaile Átha Cliath, Lú, na Mí agus Chill Mhantáin go dtí 2pm Dé Luain.

D’eisigh Met Éireann an foláireamh Dé Domhnaigh agus dúirt siad go mbeadh báisteach throm leanúnach ann agus go mbeadh seans stoirmeacha toirní ann.

Tá foláireamh Buí báistí i bhfeidhm freisin ó Met Éireann do chontae Chill Dara agus Mhuineacháin go dtí 2pm Dé Luain, le réamhaisnéisí báisteach throm agus stoirmeacha toirní scoite.

Leanfaidh an drochaimsir ar aghaidh sna laethanta amach romhainn le báisteach nó ceathanna uaireanta, a dúirt Met Éireann.

Beidh aimsir níos tirime i ndeisceart na tíre agus beidh an teocht idir 13C agus 15C.

Leanfaidh Dé Máirt an patrún céanna, agus tá Met Éireann ag súil go leanfaidh ceathanna agus tréimhsí báistí níos faide sa tuaisceart agus san iarthuaisceart.

Dúirt siad go bhfuiltear ag súil le tréimhsí gréine mar aon le ceathanna scaipthe níos faide ó dheas le idir 15C agus 19C.

Beidh tréimhsí gréine, ceathanna scaipthe agus teochtaí idir 16C agus 20C ann Dé Céadaoin, a deir Met Éireann.

Lá tirim a bheidh ann ar an iomlán Déardaoin agus seans ann go mbeidh ceathanna éadrom ann.

Beidh sé scamallach ar dtús, ach is cosúil go mbeidh sé níos gile níos déanaí san iarnóin le tréimhsí gréine.

Teochtaí is airde idir 17C agus 20C.

Dúirt Met Éireann go mbeidh go leor aimsire tirime ann don chuid eile den tseachtain, ach le roinnt báistí agus teochtaí idir 17C agus 20C.

Beidh an aimsir is tirime agus is gile san oirthear agus sa deisceart le haimsir níos scamallaí agus seans níos mó báisteach nó ceathanna chomh maith le haimsir níos gaofaire san iarthar agus sa tuaisceart.

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil