Tá Louis Walsh i mbrón i ndiaidh bhás a mháthar ghrámhar Maureen Dé Luain.
Fuair Ms Walsh – a bhí 94 bliain d’aois – bás i dTeach Altranais Naomh Attracta i mBaile Shéarlais, Co. Mhaigh Eo. Bhí sí ag fulaingt ó ghalar Alzheimer.
‘Tá galar Alzheimer ar mo mham anois. Níl aithne aici orm. Ach tá sí go breá, sláintiúil agus sona ach níl mórán tuisceane aici níos fearr,’ a dúirt an iar-bhainisteoir Boyzone in agallamh le Woman Magazine deich mbliana ó shin.
Fuair fear céile Ms Walsh Frank, bás roimhe seo.
Dúirt Louis, a bhí an-ghar dá mháthair, roimhe seo gur theastaigh uaithi go rachadh sé isteach sa tsagartóireacht.
D’inis sé do Nicky Byrne ar a phodchraoladh anuraidh gur chuireadh chuig scoil chónaithe i Ros Comáin é.
Dúirt sé: ‘Bhí fuath agam don scoil. Bhí súil ag mo mháthair go mbeadh a buachaill ba shine ina shagart. Tháinig mé ó theaghlach naonúr.
‘Chuir siad chuig scoil chónaithe mé. An féidir liom a rá leat an fuath a bhí agam don scoil?’
Mar sin féin, bhí grá mór aige dá mháthair agus thaistil Ms Walsh leis go dtí a thithe sa Bhreatain agus i Meiriceá – bhí sí le feiceáil ar an seó The X Factor in 2007 freisin, nuair a bhí Louis ina bhreitheamh ann.
De réir mhuintir na háite, d’oibrigh Ms Walsh, a bhí as Sráid na hEaglaise, Coillte Mach (Kiltimagh), Contae Mhaigh Eo. ar feadh blianta fada le Western Care i mBéal an Átha Mhóir.
Dúirt fógra ar RIP.ie gurbh í ‘máthair ghrámhar Evelyn (O’Connor), Louis, Paul, Frank, Eamon, Padraic, Joseph, Noel agus Sara (Keogh)’.
Beidh Ms Walsh á tórramh ina teach i Sráid na hEaglaise, Cill Mach tráthnóna Dé Céadaoin ó 4pm go dtí 8pm. Beidh Aifreann a sochraide ar siúl ag 12 meán lae Déardaoin.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
