Tá an toghchán buaite ag Páirtí Liobrálach Mark Carney i gCeanada, de réir tuairiscí Dé Máirt, ach bhí sé róluath le rá an mbunóidh siad rialtas tromlaigh.
Tá an tUasal Carney, a ghlac seilbh ar an ról mar phríomh-aire i gCeanada tar éis do Justin Trudeau éirí as níos luaithe i mbliana, tar éis buachan i gcoinne ceannaire an Pháirtí Choimeádaigh Pierre Poilievre, de réir CBC agus CTV News.
Is coimeádach le stíl Trump é an tUasal Poilievre.
Ar dtús, bhí an chuma air go mbuafadh na Coimeádaigh, atá sa Fhreasúra, aon toghchán i gCeanada; agus sna pobalbhreitheanna bhí ceannas níos mó ná 10% acu.
Bhí sé sin sular éirigh an tUasal Trudeau as, agus mar thoradh ar idirghabháil ó Donald Trump, tháinig borradh faoi thacaíocht do pháirtí an Uasail Carney.
Tá an tUasal Trump ag rá arís agus arís eile go mbeadh Ceanada ar an 51ú stát sna Stáit Aontaithe, ó toghadh ina uachtarán é don dara huair.
Tá taraifí diana curtha i bhfeidhm aige ar Cheanada freisin.
Tá geallta ag an Uasal Carney cur chuige níos déine a ghlacadh le Washington maidir lena tharaifí agus dúirt sé go mbeidh ar Cheanada na billiúin a chaitheamh chun a spleáchas ar na Stáit Aontaithe a laghdú.
Mura bhfaigheann páirtí an Uasail Carney ach mionlach de 343 suíochán na parlaiminte, beidh air idirbheartaíocht a dhéanamh le páirtithe eile chun fanacht i gcumhacht.
Is annamh a mhaireann rialtais mhionlaigh den sórt sin níos faide ná dhá bhliain go leith i gCeanada.
Chuaigh vótálaithe i gCeanada ag vótáil tar éis 11 duine a mharú in ionsaí marfach ag aonach sráide i Vancouver thar an deireadh seachtaine a chuir fionraí ar an bhfeachtas ar feadh roinnt uaireanta an chloig.
Tá na póilíní tar éis sceimhlitheoireacht a chur as an áireamh agus dúirt siad gur fear áitiúil é an t-amhrastach a bhfuil stair fadhbanna sláinte mheabhrach aige.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
