Tá scoil i mBaile Átha Cliath tar éis leithscéal a ghabháil le tuismitheoirí mar bhí liosta ina raibh sonraí príobháideacha faoi dhaltaí á scaipeadh.
Luaigh Mount Temple Comprehensive School, atá suite i gCluain Tarbh (Clontarf), gur ainmníodh dosaenacha de dhaltaí ar an liosta, a bhain le measúnú maidir lena n-oiriúnacht do chlár meantóireachta sa scoil.
Tá aithne ar an scoil mar gheall ar iarscoláirí Bono, Larry Mullen Jr, The Edge agus Adam Clayton ó U2, a bhuail ann.
Feidhmíonn an scoil faoi phátrúnacht Ardeaspag Bhaile Átha Cliath de chuid Eaglais na hÉireann, ach tá sí maoinithe ag an Stát d’oideachas meánscoile do pháistí Protastúnacha i dtuaisceart Bhaile Átha Cliath, agus í ag glacadh le daltaí de gach reiligiún agus gan reiligiún.
I litir a seoladh chuig tuismitheoirí agus caomhnóirí díreach roimh an mbriseadh Cásca, ghabh an scoil leithscéal as an teanga a úsáideadh ar an liosta, agus dúirt gur thug sé ‘crá croí’ do neart daoine.
De réir tuairisc ó The Journal, dúirt siad: ‘Tá brón orainn go mór gur tharla sé seo agus gabhaimid leithscéal le daltaí, tuismitheoirí agus caomhnóirí ar tháinig seo aniar aduaidh orthu.’
Tugann tuairiscí le fios go raibh measúnú gairid déanta ar na daltaí, lena n-áirítear frásaí mar ‘go hiomlán mí-oiriúnach’ gan míniú ar bith.
Dúirt an scoil gur thairg sí cruinnithe do theaghlaigh a bhí buailte go díreach.
Tá siad anois ag obair le saineolaithe chun an eachtra a fhiosrú go hiomlán.
‘Nuair a bheidh an t-imscrúdú críochnaithe, cuirfimid ar fáil sonraí faoi cad a tharla, cén fhaisnéis a bhféadfadh tionchar a bheith aici, agus na céimeanna is gá a ghlacadh,’ a dúirt siad.
Thug siad le fios go raibh siad tiomanta do thrédhearcacht agus go ndéanfaí rudaí a neartú amach anseo.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
