Radhairc áille Chill Mhantáin á léiriú ag réalta YouTube do ghlúin na ‘fast packs’

I mí Mheán Fómhair seo caite, thug Comhairle Contae Chill Mhantáin cuireadh don YouTuber Jeff Pelletier agus a pháirtí Audrée Lafreniere ‘fast pack’ a dhéanamh ar Shlí Chill Mhantáin thar thrí lá.

Chlúdaigh a dturas níos mó ná 100km agus b’ionann an dreapadh agus 3,500m.

Eagraíodh an turas le tacaíocht ó oifig Canadian Tourism in Éirinn agus le Fáilte Éireann.

Thosaigh Jeff agus Audrée ó Thigh na hÉille, an chéad chéim den turas, agus chlúdaigh sé sin 33km agus thug siad go Glenmalure Lodge iad, áit ar fhan siad thar oíche.

Ba é an dara céim an chéim is faide agus thaistil siad an 45km go Gleann Dá Loch, Loch Té agus ar aghaidh go hÁth na Sceire.

Chríochnaigh siad a n-eachtra ag taisteal ar ais go Sugarloaf Way, thar Cheann Bhré agus tháinig deireadh suaimhneach lena dturas crua le spaisteoireacht shuaimhneach feadh phromanáid pictiúrtha Bhré.

Chruthaigh Jeff físeán 30 nóiméad dá lucht leanúna beagnach 130,000 ar a chainéal YouTube.

Bhí an dea-aimsir acu thar na trí lá agus léiríonn an físeán áilleacht an radharcra éagsúil feadh Shlí Chill Mhantáin. Tar éis ceithre lá, breathnaíodh ar an bhfíseán níos mó ná 39,000 uair.

‘Is trí lá crua ach iontach a bhí ann,’ a dúirt Jeff.

‘Ba mhór an taitneamh a bhain muid as éagsúlacht na radharc, an fhlóra agus an iliomad fianna ar bhuail muid leo ar an mbealach.

‘Cuir fáilte na hÉireann leis agus b’eispéireas iontach a bhí ann d’Audrée agus domsa.

‘Tá súil againn go spreagfaidh an físeán reathaithe conairí ó gach cearn den domhan chun an bealach an-inrochtana seo a fhiosrú.’

Féach ar an bhfíseán iomlán ar chainéal YouTube Jeff Pelletier. Tá an nasc ANSEO.

Tá tuilleadh eolais ar ghníomhaíochtaí, conairí siúlóideacha agus áiteanna le dul ar fáil ag: Visit Wicklow. Tá an nasc ANSEO

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil