Dáil ar ais i ndiaidh na Nollag – ach ag imeacht arís ar saoire coicíse eile

Deir Sinn Féin go bhfuil cur i gcéill i gceist leis an sos coicíse don Dáil, tar éis a bheith ar ais ar feadh lá amháin; ach deir an Rialtas go bhfuil an t-am sin ag teastáil ó na hairí chun socrú isteach

Tháinig an Dáil le chéile chun an Ceann Comhairle a thoghadh agus tá cruinniú aige Dé Céadaoin chun Rialtas a thoghadh.

Sin dhá lá ón Nollaig, agus ina dhiaidh sin tógfaidh siad sos eile go dtí an 5 Feabhra.

Ach tá Sinn Féin ar buile faoi sin.

Deir siad, áfach, gur cheart go mbeadh na Teachtaí Dála sa Dáil agus iad ag plé na saincheisteanna atá ag cur isteach ar dhaoine ar fud na tíre.

Dúirt an t-urlabhraí Airgeadais Pearse Doherty: ‘Duine ar bith a d’éirigh ar maidin le dul ag obair, cibé acu an bhfuil siad ag obair ar urlár na monarchan, nó inár scoileanna nó inár n-ospidéil, ceapfaidh siad gur farce é seo.

‘Ní raibh rialtas feidhmiúil againn, ní raibh muid in ann airí a choinneáil chuntasach le breis agus trí mhí anois.

‘Níl sé sin inghlactha. Níl sé inghlactha i mo thuairim ag oibrithe na hÉireann, ag daoine atá faoi bhrú crua, agus cuirfimid ina choinne.’

Mhaígh urlabhraí de chuid an Rialtais go raibh cáineadh an Uasail Doherty ar an sos sa Dáil ina ‘empty bluster.

Dúirt siad go bhfuil prionsabal seanbhunaithe ann go dtógfaidh an Dáil ‘sos gairid’ tar éis rialtas nua a cheapadh.

Dúirt siad gur cheart go mbeadh am ag Aire aithne a chur ar a roinn agus na ceisteanna atá i gceist le go bhfreagródh aire ceisteanna sa Dáil.

Idir an dá linn, scríobh páirtithe an fhreasúra agus Teachtaí Dála go foirmiúil chuig an gCeann Comhairle ag impí uirthi go láidir gan cead a thabhairt do cheathrar TD a thacaíonn leis an rialtas a bheith mar chuid de ghrúpa teicniúil sa Dáil.

Thabharfadh an grúpa am labhartha do Michael Lowry, Barry Heneghan, Gillian Toole agus Danny Healy-Rae ó bhinse an fhreasúra sa Dáil, cé go bhfuil siad ag tacú leis an Rialtas.

Bhí seachtar sa ghrúpa ach dúirt an TD Neamhspleách Mattie McGrath go mbeidh sé in éineacht leo.

Tuigtear gur thug an tUasal Lowry cuireadh Invitation) dó dul isteach sa ghrúpa Dála le cúpla lá anuas.

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil