Agus comórtais sa toghchán ar siúl i 43 toghcheantar (ardú ó 39 an uair dheireanach) is deacair a thuar cad a tharlóidh timpeall na tíre.
Ach sa toghchán seo tá roinnt toghcheantar, cosúil leis na ‘swing states’ i dtoghchán Mheiriceá, a thabharfaidh le fios cad is dócha a tharlóidh sa chuid eile den tír.
Anseo thíos féachaimid ar an dara liosta de chúig cinn de 10 dtoghcheantar a d’fhéadfadh an difríocht a dhéanamh ar 29 Samhain. Tá cuid a hAon fós ar fáil ar ExtraG.ie.
Tiocfaidh Sinn Féin faoi ionsaí anseo. Tá Vicki Casserly sa tóir ar an dara suíochán ag Fine Gael agus buann Emer Higgins TD a suíochán go héasca.
Creideann Fianna Fáil go mbuafaidh a n-iarrthóir Shane Moynihan suíochán in ionad Fine Gael an dara ceann a fháil.
Ní bhfuair an t-iarrthóir Neamhspleách Paul Gogarty suíochán i dtoghchán 2020 ach fuair sé vóta ard agus tá an-tóir air go fóill.
Tá tóir ar Eoin Ó Broin TD do Shinn Féin agus Gino Kenny TD ó Phobal Roimh Bhrabús sa cheantar. D’fhéadfadh an dara TD de chuid Shinn Féin, Mark Ward, a bheith i dtrioblóid, áfach.
Sa cheantar seo freisin tá duine amháin le seasamh láidir ar son na Gaeilge, Seanán Cóistín.
Is duine neamhspleách é a deir: ‘Ní féidir le hÉirinn a bheith neodrach faoin nGaeilge mar is é an t-aon stát ar domhan é a thugann aitheantas mar theanga oifigiúil don Ghaeilge.’
Níltear ag súil go dtabharfaidh sé dúshlán do na páirtithe móra anseo ach is toghcheantar é seo le láithreacht láidir Gaeilge agus gheobhaidh sé vótaí.
Tá TD caillte ag Fine Gael anseo agus tá súil acu gur féidir le Billy O’Shea é a bhuachan ar ais. Coimeádfaidh an tAire Oideachais Norma Foley ó Fhianna Fáil a suíochán. Déanfaidh an bheirt deartháir Healy-Rae go maith freisin ach beidh Pa Daly ó Shinn Féin faoi bhagairt ón dara hiarrthóir de chuid Fhianna Fáil Linda Gordon-Kelleher.
Ba cheart go n-éireodh go maith freisin le iar-TD Fhianna Fáil, agus iarrthóir reatha Éire Neamhspleách, Tom McEllistrim.
Tá triúr iarrthóir á reáchtáil ag Fine Gael sa toghchán seo – Bernard Durkan, Joe Neville agus Evie Sammon. Beidh James Lawless ó Fhianna Fáil ag iarraidh an dara TD, an Comhairleoir Naoise Ó Cearúil, a thabhairt isteach. Tá Angela Feeney ag an Lucht Oibre in áit a bhí láidir den pháirtí tráth.
Beidh iarrthóir na nDaonlathaithe Sóisialta Aidan Farrelly ag súil le suíochán Catherine Murphy TD, bunaitheoir an pháirtí eile nach bhfuil ag seasamh, a choinneáil.
Seans go mbeidh an cath is suimiúla idir an Seanadóir Glas Vincent P Martin agus Réada Cronin de chuid Shinn Féin.
Ciallaíonn filleadh an iar-TD Neamhspleách Kevin ‘Boxer’ Moran don dtoghchán go mbeidh cath dian anseo. Fine Gael le Peadar de Búrca agus an Seanadóir
Micheál Carrigy, agus Fianna Fáil le Joe Flaherty agus Robert Troy ag lorg ceithre shuíochán.
Ba cheart go gcuirfeadh Sorca Clarke de chuid Shinn Féin isteach orthu mar a dhéanfaidh ‘Boxer’ Moran.
Táthar ag súil go dtabharfaidh an Taoiseach Simon Harris an Comhairleoir Edward Timmins isteach. D’fhéadfadh gurb é an príomh-chath sa toghchán anseo, áfach, idir Jennifer Whitmore ó na Daonlathaithe Sóisialta agus Aire Sláinte Fhianna Fáil Stephen Donnelly.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
