Tá ardmholadh tuillte ag Paul Mescal as a ról i Gladiator II ach tá dúil mhór aige sa stáitse freisin.
Tá rath bainte amach ag go leor aisteoirí cáiliúla i scannáin mhóréilimh, ach bhí siad le feiceáil ar an stáitse le linn a ngairmréime freisin.
Thuill Mescal léirmheasanna den scoth, agus Gradam Laurence Olivier i 2023, as a ról in A Streetcar Named Desire ag an West End i Londain, tar éis dó clú a bhaint amach i Normal People.
Beidh sé ar ais ar stáitse Londain an bhliain seo chugainn sa ról céanna.
Tugadh an-mholadh do Mescal, as Maigh Nuad i gContae Chill Dara, as a ról i léiriúcháin Éireannacha den Great Gatsby agus The Lieutenant of Inishmore.
Anois tá tuairiscí ann go bhfuil Amharclann na Mainistreach (Abbey Theatre) ag síneadh amach chuig Paul chun páirt a ghlacadh i gceann dá gcuid drámaí.
Dúirt foinse atá gar don amharclann go bhfuil siad ‘i dteagmháil lena ghníomhaire, Lara Beech’.
Dúirt siad freisin, áfach: ‘Is í an fhadhb atá ann ná go bhfuil sé chomh gnóthach faoi láthair.’
Dúirt an fhoinse nach bhfuil sé ráite ag Paul, ach go mbeadh a fhios ag a fhoireann ‘bliain ar a laghad, b’fhéidir dhá bhliain’, roimh aon dráma.
Beidh Mescal, atá 28 bliain d’aois, ar ais arís mar Stanley i léiriú Rebecca Frecknall de A Streetcar Named Desire le Tennessee Williams sa West End an bhliain seo chugainn.
Mairfidh an dráma ar feadh trí seachtaine ón 3 Feabhra go dtí an 22 Feabhra ag Amharclann Noël Coward sula n-aistreofar chuig Acadamh Ceoil (Academy of Music) Brooklyn i Nua-Eabhrac.
Tuigtear go bhfuil meas mór ag Paul don drámadóir Éireannach, Tom Murphy, agus mhol an fhoinse go bhféadfadh léiriú de cheann dá dhrámaí cabhrú le Mescal a mhealladh ar ais.
D’fhéadfadh ‘glúin iomlán nua’ a thabhairt isteach sna hamharclanna nuair a fhilleann Paul ar stáitse na hÉireann a dúirt a Sinéad O’Connell, a stiúir Mescal i léiriúchán scoile de Phantom Of The Opera.
Dúirt sí: ‘Ó thaobh na Mainistreach (Abbey) de, nach mbeadh sé iontach aisteoir móréilimh a fháil ionas go n-éireoidh leis an slua a thabhairt ar ais?’
Dúirt Ms O’Connell, iar-mhúinteoir ag scoil Mescal’ i Maigh Nuad, atá anois ag bainistiú a scoil cheoil féin, go bhfuil an amharclannaíocht in Éirinn ‘éirithe beagán, b’fhéidir, do na daoine ardnósacha agus ní do na gnáthdhaoine’.
Dúirt sí: ‘Féadfaidh amharclann ceoil a bheith beagán difriúil, ach níl dráma ar an sean-nós chomh coitianta agus a bheadh sé.
‘Tá aithne agam ar neart daoine nár chas riamh cos san “Abbey” , mar sin b’fhéidir gur deis é seo do na ticéid a dhíol.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
