Thug Joanne McNally isteach ina hárasán nua i Londain sinn – agus dúirt go bhfuil sí ina ‘interiors phase’.
Dúirt an bhean ghrinn as Baile Átha Cliath, áfach, go bhfuil ‘an oiread céanna lúcháir agus náire’ uirthi féin tar éis di bogadh go dtí an t-árasán nua.
Anuraidh, bhog Joanne isteach ina céad áit i Londain, tar éis míonna de chamchuairt lena seó grinn, The Prosecco Express.
Chaith sí tamall ag lóistín lena cara Vogue Williams, atá ina comh-óstach ar an bpodchraoladh, ‘My Therapist Ghosted Me’.
Mar sin féin, tá pictiúir á roinnt ag Joanne faoin gcaoi a bhfuil an t-árasán nua á iompú ina teach a mbeidh grá aici dó.
Tá an t-árasán mór péinteáilte bán le go leor dathanna le feiceáil i saothar ealaíne, solais agus rudaí eile.
Tagann an chéad phíosa ealaíne a fheicimid ó Karen Lee Art, agus míníonn Joanne: ‘Seo iad na stoic shimléir i mBaile Átha Cliath.
‘An-íocónach, níl siad in úsáid a thuilleadh,’ a dúirt sí, os comhair pictiúr de thúir an ‘Pigeon House’.
In aice leis an bpictiúr bhí scian bheag. Mhínigh Joanne go raibh sé ann mar gheall go bhfaigheann sí go leor seachadtaí (deliveries).
Dúirt sí: ‘Tá a lán fear ann a bhfuil a fhios acu go bhfuil mé i mo chónaí anseo liom féin.’
I limistéar an tseomra suí, dúirt Joanne gurb é an tolg bándearg dhá shuíochán ‘an chathaoir is compordaí ar shuigh tú ann riamh’.
‘Fuair mé i Loftys Furniture é,’ a dúirt sí.
‘Tá sé “ginormous”. Dúirt mé go bhfuil mé chun é a ghlacadh ar aon nós mar tá mé ag léiriú go mbeidh teach níos mó agam.’
Tháinig píosaí eile ealaíne sa seomra suí ó Ciara O’Neill Art, agus tá roinnt coinnle ildathach ar an matal (mantelpiece).
Dúirt Joanne go bhfuil siad ró-dheas chun solas a chur orthu.
Anonn go dtí na seilfeanna leabhar sa seomra suí, agus dúirt Joanne go bhfuil sí ag cur i gcéill go bhfuil na leabhair ar fad léite aici.
Tá bábóg ‘bobble-headed’, de Michael McIntyre aici ar an tseilf freisin.
‘Bhuail mé le Michael, agus tá sé seo fíor ó thaobh tomhas (size) de,’ a dúirt sí. ‘Tá a cheann chomh mór sin ar a chorp.’
Tháinig níos mó rudaí ó TK Maxx agus thaispeáin Joanne tábla beag le cruth atá cosúil le corc mór as buidéal seaimpéin (Champagne).
Dúirt sí go bhfuil sé ‘tragóideach’ mar gur theastaigh uaithi bord níos mó a fháil ach nach bhfuil aon ghá le ceann, mar níl aon duine eile, ach í féin san árasán.
‘Bhí sé taobh leis an mbord nuair a rinne My Therapist Ghosted Me Live i mBaile Átha Cliath,’ dúirt sí.
‘Bhí bord déanta as airgead ag Vogue – airgead bréige, agus bhí an bord seo déanta as corc as buidéal seaimpéin (Champagne) agam mar … ólaim,’ a dúirt sí.
Ag taispeáint di an tolg mór bán a cheannaigh sí ó Vetsak, dúirt Joanne nach raibh sí cinnte an bhféadfadh sí é a mholadh, mar gheall ar an tolg a bheith ag teacht isteach i gcodanna.
‘Ní sheachadann siad ach go cois an chosáin,’ a dúirt Joanne, ‘agus mar bhean shingil ina cónaí ar an urlár uachtarach de bhloc árasán, bhí sé ina sh**seó é a fháil isteach.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
