D’aithin an FBI an fear gunna a rinne iarracht Donald Trump a fheallmharú ag slogadh i Pennsylvania Dé Sathairn, lámhach a mharaigh duine amháin ar a laghad.
Gortaíodh ar a laghad beirt eile go criticiúil agus tá an fear gunna marbh. Iar-cheannaire den bhriogáid dóiteáin ab ea an fear a maraíodh. Léim sé os comhair a mhuintire chun iad a chosaint.
Tá an lámhach Thomas Crooks á fhiosrú ag an FBI mar ionsaí sceimhlitheoireachta intíre (domestic terror attack) agus feallmharú.
Bhí Thomas Matthew Crooks ina chónaí i bPáirc Bethel, Pennsylvania, bruachbhaile saibhir le daoine geaa den chuid is mó in Pittsburgh.
Chónaigh sé lena thuismitheoirí a bhí ina gcomhairleoirí cúraim (care counsellors) agus ní raibh aon taifead coiriúil nó fadhbanna airgeadais aige.
Ba é an t-aon ghníomh polaitiúil a rinne sé ná $15 a bhronnadh ar an Progressive Turnout Project, coiste a bhfuil baint aige leis an bpáirtí Daonlathach. Is Poblachtach cláraithe a athair agus Daonlathach cláraithe a mháthair.
Chláraigh Thomas mar Phoblachtánach i 2016, áfach, nuair a bhí Trump i gceannas.
Deir cairde scoile go ndearnadh bulaíocht air gach lá ar scoil agus gur ‘loner’ é.
Tógadh Trump as an stáitse ag cur fola óna chluas, agus tugadh go dtí an t-ospidéal é.
Dúirt sé níos déanaí ar na meáin shóisialta go raibh piléar tar éis an chuid uachtarach dá chluas dheas a bhualadh.
Thug an tUachtarán Joe Biden ráiteas ar an teilifís, ag cáineadh an ionsaí agus ag iarraidh imscrúdú tapa, agus labhair sé le Trump.
Léiríonn físeáin a phostáiltear ar na meáin shóisialta an fear gunna suite gan gluaiseacht ar dhíon foirgnimh bhig 400 troigh ó thuaidh ón stáitse ina raibh Trump ag labhairt.
Nóiméad tar éis do Trump tosú ag caint, scaoil an fearr gunna urchair.
Scaoil an fear gunna an-chuid urchair, agus é ‘ar shuíomh ardaithe’ taobh amuigh d’ionad na slogadh.
Fuair na póilíní raidhfil leath-uathoibríoch (semi-automatic rifle) de chineál AR-15 ón fhear gunna nach maireann anois.
Tar éis an lámhach, léirigh Biden a bhuíochas go raibh Trump ceart go leor agus dúirt sé: ‘Níl aon áit i Meiriceá don chineál seo foréigin.’
Dúirt feachtas an Uasail Biden i ráiteas go raibh siad ag obair chun ‘ár bhfógraí teilifíse a tharraingt anuas chomh tapa agus is féidir linn’.
Bhí Poblachtánaigh agus Daonlathaithe ag cáineadh go tapa an rud a d’fhéach siad mar ghníomh foréigin pholaitiúil de réir dealraimh.
Tá an Coinbhinsiún Náisiúnta Poblachtach, ina n-ainmneofar Trump go foirmiúil mar iarrthóir uachtaránachta a pháirtí, ag dul ar aghaidh mar a bhí beartaithe i Milwaukee ag tosú Dé Luain.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
