Tá baol tuilte i 17 gcontae mar go bhfuiltear ag súil le báisteach throm ar thalamh atá sáithithe cheana féin.
Ar maidin Dé Máirt, d’eisigh Met Éireann rabhadh buí maidir le báisteach a bhaineann le Laighean ar fad chomh maith le Cabhán, Muineachán, Corcaigh, Tiobraid Árann agus Port Láirge.
Beidh an rabhadh i bhfeidhm idir 11pm Dé Máirt agus 11pm Dé Céadaoin.
Cuireann sé seo leis na rabhaidh a eisíodh Dé Luain ó Met Éireann go mbeidh sneachta, báisteach throm agus gaotha láidre i 12 chontae, rud a fhágann go mbeidh tuilleadh tuilte agus cur isteach orthu ó óiche Dé Mairt.
Tar éis breis agus seachtain de thuilte leanúnacha de bharr Stoirm Chandra i mí Eanáir, agus tuilte áitiúla i gceantair de Bhaile Átha Cliath an tseachtain seo caite, tá aimsir neamhbhuana ar ais do chuid mhór den tír.
Tiocfaidh foláireamh gaoithe buí i bhfeidhm do Bhaile Átha Cliath, Lú, an Mhí, Loch Garman agus Cill Mhantáin ag 11pm. oíche Dé Máirt agus fanfaidh sé i bhfeidhm go dtí 1pm Dé Céadaoin.
Tá seans ann go mbeidh gaotha láidre agus taoide arda ann a d’fhéadfadh tonnta a shárú, crainn tite agus dálaí deacra taistil a bheith mar thoradh orthu.
Beidh rabhadh báistí Buí i bhfeidhm freisin do Loch Garman, Cill Mhantáin agus Baile Átha Cliath ó 11pm oíche Dé Máirt go dtí 11pm Dé Céadaoin, mar aon le Corcaigh, Port Láirge, Ceatharlach agus Cill Chainnigh.
Thug Met Éireann rabhadh go bhféadfadh báisteach a thiteann ar thalamh sáithithe, in éineacht le leibhéil arda abhann, tuilte agus dálaí deacra taistil a bheith mar thoradh air.
Táthar ag súil go mbogfaidh na dálaí contúirteacha siar ó thuaidh agus foláireamh Buí maidir le báisteach agus sneachta ag teacht i bhfeidhm do Dhún na nGall, Liatroim agus Sligeach ag 2am. Dé Céadaoin, agus fanfaidh sé i bhfeidhm ar feadh 12 uair an chloig go dtí 2pm maidin Déardaoin.
Tá seans breise ann go mbedih báisteach agus flichshneachta ann maidin Dé Céadaoin, agus is dócha go mairfidh an aimsir fhliuch san oirthear agus sa tuaisceart ar feadh cuid mhaith den lá, ach go mbeidh aimsir níos gile in áiteanna eile le báisteach throm.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
